الانامل الذهبيه

الانامل الذهبيه

شاهدت فيلم تيمور وشفيقه وعجبنى جدا اولا لانه فيلم محترم خالى من المشاهد او الجمل الى بتجرح مشاعر المشاهدين وفكرة وزيره صغيره فى السن ومتفوقه فى دراستها عجبتنى جدا بالاضافه الى البطل الثالث مع منى زكى واحمد السقا وهو موسيقى عمر خيرت بجد بهرتنى رقيقه وحالمه وجعلتنى اشعر اكتر بالمشاهد خصوصا فى مشاهد معينه كانت فى منتهى الرقه والتعبير ورغم انى بسمع لعمر خيرت كتير وعارفه كل مقطوعاته بس مش عارفه ليه حسيت تيمور وشفيقه ليها مذاق خاص يمكن كمان حسيت انها اجمل مقطوعات عمر خيرت وعلى فكره انا دخلت الفيلم ده ثلاث مرت من اجل الاستمتاع بالموسيقى بالاضافه الى فكرة الفيلم والسؤل اللى بيتبادر فى زهن كل من يشاهد الفيلم من البنات هل ممكن ان واحده تتنازل عن طموحتها عشان واحد بيحبها من كل قلبه بس يكون بيحبها مش مجرد واحد عاوز يجوزها وخلاص حتى ولو كانت وزيره عجبتنى الفكره ديه وحسيت رغم انى ضد شخصيه اللى بيقدمها احمد السقا انه فيلم جميل وله معنى وبيقول حاجه وممتع بخلاف كل الافلام اللى بتعرض الايام ديه وبصراحه متخيلش ان ممكن حد كان ينفع يألف موسيقى الفيلم غير عمرو خيرت عشان يظهر بالشكل الرائع ده

تحيه لصاحب الانامل الذهبيه وشكر على امتاعه الدائم لنا بموسيقاه الرائعه