تاج هديه من روح قلب ماما فاتيما.....أعز وأقرب وأقدم صديقات التدوين وقلب التدوين النابض دائما
بحبك اوى وسعيده بصداقتك الفضائيه واللى بتمنى دومها دائما لأنك من أجمل الشخصيات التى قابلتها فى حياتى
أنا بدأت فى كتابه هذا البوست بعد قراتى لردك على تعليقى عندك ومهما كنت مشغوله لايمكن اتشغل عن قبول هديه من أى انسان
خصوصا لو كان الأنسان قريب من قلبى
إسمك؟
منى وفى التدوين نبضات
الأسم المشهورة بيه وسط أصحابك؟
مممممممممممم ...منى
سنك؟
30
مجال دراستك
تجارة قسم محاسبة وبعمل درسات عليا فى التسويق
أسم مدونتك
نبضـــــــات
صورتك الرمزيه فى المدونة بتعبر عن أيه
صورة ورده حمراء وعليها قطرات الندى
بتعبر عن معنى الجمال فى خيالى وهو ورده حمراء عليها قطرات الندى النقيه وموسيقى جميله
هي الموسيقى اللى بختارها بدقة لمدونتى وبتكون بتحمل معنى عندى
هل فكرت فى اغلاق مدونتك ؟ والسبب
مره كنت متخانقه مع صديقتى الغاليه عاليا حليم صاحبة مدونة عندلبيات ( عشان أحنا الاتنين للأسف حساسين جدااااا) ولانها سبب دخولى التدوين وبسبب اختلافنا قالت حتقفل مدونتها فقلت لها وانا كمان وفعلا مش كنت اقدر افضل فى التدوين بعد ماعاليا تسيبه وهيا انسانه غاليه عندى وسبب معرفتى بالتدوين
ولا اتخيل التدوين من غيرها
والمره التانيه كنت بمر بظروف وكنت مكتئبه ومهزوزه جدا من جوايا وحاسه انى لازم اقفل المدونه عشان كلامى مش يكون مزيف
أو أكون بكتب وانا لا املك الثقه بنفسى اساسا ودائما بحاول أكون قد كلامى اللى بكتبه فى المدونة
أيه رد فعلك لو حد قل أدبه عليك فى المدونة
الانتقادات بتقبلها جدا وممكن ارد أوضح وجهة نظرى أو أفكر فيها وأحاول أغيرها فيا أو أتأسف لو غلطت لكن تكون بدون تجريح لانى مثل الزجاح مش بستحمل
لو حد قل ادبه حقرأ التعليق وتألم جدا من جوايا لكن حتجاهله تماما ومش حرد بأى كلمه او حرف حتى
مهما كتب ومهما قال ولو أستمر ممكن أقفل المدونه
أسوأ مدونة دخلت؟
اى مدونه تسىء للأخلاق والأحترام سواء فى كتابتها أو فى ردودها ومناقشتها مع زوار مدونتها
واى مدونه بيبقى فيها شتائم وطبعا وأولهما مدونات لمثيلين ومثليات تعتبر أسوأ المدونات
حيحصل أيه للايميلات بعد ماتموتى ؟
لا اعرف ...لكن الباس ورد بتاعتى مع صديقتى عاليا حليم حيكون الموضوع متروك لها وانا متاكده من حسن تصرفها لاننا بنتشابه فى حاجات كتير فى الشخصيه
إديت الباس ورد لحد قبل كده
عاليا حليم هيا دائما معاها كانها معايا لاننا أحنا الاتنين واحد
ولانى بفشل فى وضع موسيقى مدونتى وبعض اللمسات بها فبستعين بعاليا
بختار الموسيقى وهيا بتضعها لى
السفر بالنسبالك
السفر ...لمده طويله لعمل لا احبه لأنى لا احب الغربه وبحب مصر جداااا والقاهره على وجه اخص والنيل الجميل لكن ممكن اسافر كرحلة قصيره بحبه جدا لانه جزء من ثقافه الانسان
ومتعه فى رؤية اماكن جديده وناس جديده وثقافه شعوب ممكن اتعلم منهم حاجات جديده كويسه تتناسب مع شخصيتى
وأحيانا ...يكون السفر عندى هروب من احزان أو من حد عاوزه أنساه أو أستجمام بعيد عن جو العمل والروتين اليومى زى سفرى للأسكندريه عند خالى كل فتره
المود بتاعك ايه
دائما متفائله ومبتسمه وعندى أمل فى بكره
احيانا بكون محبطه أو حزينه
حساسه لدرجه كبيره مثل الزجاج
بترغم الناس اللى بتحبنى او اللى عاوزين يتعاملوا معى انهم يعاملونى بطريقه معينه
فى حاله من الرومانسية والحب فى كل حياتى ومع كل أصحابى واهلى والناس كلهم اللى حولى وفى عملى وهوياتى واهتماماتى وعشقى للطبيعه والموسيقى الدائم
ودائما بحس كأنى بجرى عشان بحاول أحقق حاجات كتير فى حياتى فى وقت قصير
بتعمل أيه فى وقت فراغك
بحب أتفرج على التلفزيون او أسمع البرنامج الموسيقى فى الراديو أو قناة الاغانى عشان بحب الأغانى القديمه -أحضر حفلة لعمرو خيرت
أقرأ - أخرج مع صديقاتى - اقعد مع ماما وبابا وتيته - العب مع بنت اختى اللى عندها سنتين وأشوف معاها الكرتون
أقعد مع صديقتى عاليا حليم فى ساقيه الصاوى قاعة النهر على النيل -أحضر ندوات -أخطف يومين للاسكندريه عند خالى تغير جو
أحضر حفلات توقيع كتب للمدونين اللى بعتز بيهم -والمشى بحب جدااا خصوصا فى الصباح
الأكلة المفضلة ؟
البيتزا - الكشرى - الشيكولاته بس تكون ساده - الكسترد - الرمان
الصفات التى أخدتها من والدك ؟
الأحترااااااااااااام - حب العلم والثقافه والموسيقى - العصبيه -الطموح - التدين من القلب - الأمانه والصدق -الثقه بالنفس- تناسق الألوان فى اللبس
الصفات اللى اخدتها من والدتك
الأحترام - الاخلاق- حب الناس - الاجتماعيات - الحنان- الطيبه -التسامح بقدر الامكان
أكتر 6 حاجات بتكرههم
الكذب -الظلم - الزيف -المجاملات - الخيانه بمعنها الشامل فى الحياه - السطحيه
أكتر 6 حاجات بتحبهم
النيل
فصل الشتاء
الشخصيات ذات القلوب والفكر المميز والجميل
الورود
الموسيقى
القمر وهو بدر كامل
سكون الليل
فاتن حمامه
موسيقى عمرو خيرت
شخصيتك نوعها ايه
زجاج قابل للخدش والكسر بسهولة
صعب التعامل معها الا بحذر شديد
رومانسيه جدا فى كل حياتى
عميقه فى كل شىء وأكره السطحيه
عصبيه مثل البركان
لماذا دخلت التدوين من الأساس
فى الأول دخلت لكى أبدى برئى فى حاجات بقرئها وبتعجبنى أو بيكون ليا تحفظات عليها أتمنيت أعبر عن رئى
وثانيا عشان أنشر حاجات حلوه كتير بقرئها وبحتفظ بيها ويمكن ناس كتير مش بتقابلهم صدفة قراتها مع انها كتير جميله ومفيده حبيت القى عليها الضوء مع الاحتفاظ بأمانه الملكيه الفكرية
ثالثا ...عشان اكتب بعض افكارى البسيطه رغم أسلوبى الضعيف فى الكتابه لكى أوثر وأتاثر بالناس واتعلم منهم ومن مناقشتهم معى وممكن فى نفس الوقت يلاقوا معلومه تفيدهم عندى ولو بسيطه
رابعا واخير وأهم الأسباب ... للرقى بأحساس البشر عن طريق القاء الضوء على كل ماهو جميل فى حياتنا سواء جمال مادى مثل الطبيعه والموسيقى أو معنوى مثل المعانى الانسانيه الراقيه حتى ننمى ملكه الجمال بداخلنا فنستطيع أن نستكشف الجمال حتى ولو كان غير واضح فى اى شىء فى حياتنا ونستكشف الشخصيات الجميله فى قلوبهم وعقولهم فنعرف نحتفظ بيهم فى مشوار الحياه
اجمل كلمة قيلت فى وصف مدونتك
أنها صادقه وراقيه
اهمية التعليقات بالنسبة لك إيه
مهمه جدا واهم من الكتابه بوست جديد وبزعل جدا لما بعلق عند حد ويكتب بوست ومش يرد على التعليقات عشان مشغول لان التعليقات اهم من الكتابه . بقرئهم بدقه وبحاول أرد بنفس الدقه وبحترمهم كلهم وبحس بالشخصيات من كلماتهم كأنى اعرفهم
أحلى بوست كتبته ؟مع لينك له و السبب ؟
أحلى بوست كتبته فى نظرى هو بوستى الأخير لغة الحب ..السبب أنه مختلف ومش مجرد كلام فى الحب فى عيد الحب ولكن بيوضح ازاى نجعل لغة الحب فى كل حياتنا حتى فى عملنا ودرستنا فهوبيتكلم عن الحب بشكل مختلف ونصيحه لكل البشر أن يشعلوا مصباح الحب فى حياتهم حتى ينير لهم طريقهم فى الحياه ....هو أقرب بوست لقلبى
أفضل مدونة قراتها ؟
صعب حصرها... هما شويه مدونات كده دائما بتابعهم وبستمتعم بالقراه لهم
أفضل بوست قرأته
مممممممممممم كتيربجد لكن اخص بالذكر كل كتابات الكاتبه الجميله هدى مدونة حكايات زمان بدون اى مجاملات وبصراحه شديده جدا لان اسلوبها كتير مميز واحساسها وفكرها عالى جدااااااااااا
الشغل بالنسبه لك
طموحى ..حياه.. كيانى فى الحياه ..وصحيان من الساعه السادسه صباحا خوفا من الخصومات وبيأخد اغلب وقتى
والتعامل مع بشر لا أختارهم ولكن مفروضين عليا ولازم أحتوى بعض شخصيتهم وأرفض البعض الاخر
وأحب القليلون وأحاول دائما تكون علاقتى سطحيه بقدر الامكان بمجتمع الشغل
الإنترنت بالنسبة لك ؟
العالم بين يديا ...أبحاث ...معلومات ...مدونات ...أخبار الدنيا...صعب الأستغناء عنه
تمرر التاج لمين
لكل زوار مدونتى الأحباء وبالخصوص هدى ومصطفى مدونة حكايات زمان
وهبه صاحبه مدونة... أتمنى أكون فراشة
وانا فى انتظار اى زائر من مدونتى يأخد التاج عشان أزور مدونته واعلق على الاجابات
فى انتظار قبولكم للتاج لأى زائر
نبضـــــات
