Tuesday, September 16, 2008

عندما تأتى الصدفه


أنقاط متفرقة ..متناثرة ..تشكل سويا اللوحة مكتملة ..أجزاء متفرقة تتشابك لتصنع لوحة ..قصيدة لحنا ..أو حياة أحداث متباعدة تتقارب..مواقف تتلاحم ..قصاصات تتناثر فى الهواء ..نفحات تحمل خبرا..نسمات تعبر الروح ..ودقات تنبىء القلب بما يريد..أولايريد ..نقول عنها صــــــدفــــة ..علامة ..نقول نصيب ..والأصل فيها قدر..والحدوته مكتملة تشكل لنا جميعا ..كل الأقدار

قدر يسعدنا أويشقينا...يفرحنا اليوم ويبكينا غدا ..فما ترى حلكته اليوم قد يزداد بياضه مع الايام ..وماترى فيه النور قد تشتد ظلمته ..وماترى فيه الحياة يأتى لك بالفناء ..وماتأمل فى زواله يمسى لك كل الحياة ..مجموعة صدف متناثرة علامات على الطريق ..أشارات غامضة لاندركها فى حينها ..قصاصة ورق صغيرة تغير مجرى الحياة ..غريب على الطريق ..لحن خافت يحمل وميضا فى أتجاه عاكس ..مجرد صدفة تجعل الغريب قريبا ..والحلم وهما ..والأيام ..مجرد حياة

خبر فى جريدة لاتقرئها دوما ..إعلان فى مذياع قلما تسمع إليه ..صديق طال غياب أو قريب على سفر ..حالة ترقب دائمة لصدفة تغير حياتك ..تشقيك أو تسعدك ..لايهم .فالأصل فيها صدفة ....حدث عابر علامة مجهولة تضىء لك الحلكة وتفتح لك طاقة نور غائبة ..وتشع بريقا متى خبت عنك أضواء الحياة
ولأن القلب من التقلب نتقلب ..ولأن الإنسان من النسيان ننسى ...وتاتى الصدفة ..إشارة غامضه تذكرنا بقدر ننسى دوما انه وراء الأشياء ..كل الأشياء ..قدر يرسم الأيام ولا نراها ..يشكل الحياة وننسى دوما أن نحياها..نعيش اليوم فى انتظار الغد ..ويأتى الغد كما سيأتى كل غد ..ويمسى الحاضر ماضيا ..والغد أمسا بعيدا ..وأحداث اليوم ..مجرد ذكريات


قانون الطبيعة صارم يحكمنا ..صدفت جمعت أبى بأمى فجئت أنا ..وصدفة ستجمعنى بك فتأتى أجيالا من بعدنا ...والأصل فى القدر أن نستمتع به إلى أن يتبدل ...وفقط وعند أكتمال الصورة , نرى الوجود جميلا ولم ندركه فى حينه ..والربيع صحوا وكنا ننتظر الخريف ..والشتاء قارصا فى انتظار نسمات الصيف ..فلا رأينا جمال الصقيع ..ولا ادركنا نفحات الربيع ..ولااستوعبنا سر الحياة

يتقابل الغرباء بحثا عن إجابة ...علامات تعجب وأستفهام وكثير من الترقب ..وسؤال حائر بين المتناقضات ..لماذا التقينا ؟ ماذا يخبىء لنا القدر ؟ لكأننا على موعد ..نتوافق كتوام روح ..نتشابه كشقى قلب انشطر ليلتحم من جديد..أباق معى أم إلى الزوال ؟؟ ..ولا يكل السؤال ولا تاتى الإجابة ..وعند النهاية ، ندرك كم ضاعت اللحظة ..كم كان الحاضر حلوا ولم نعشة ..وياتى الغد ..كما سيأتى كل غد ..ودوما وخز فى قلب حائر ..ودمعة تتحجر فى عين باكية ..وترقب يقتل فرحة اليوم وامل الغد

مسافر على الطريق ..رحلة عمر ومشوار حياة ..حالة ترقب دائمة تأخذنا من انفسنا ..انتظار صدفة تغير الأقدار وحدث عابر يبدل الواقع ..قلق وتوجس دائم ..حالة من النسيان ..من الهذيان ..فى انتظار مجهول قد يأتى صدفة ..وأبدا لايجىء ...!!رحلة نقطعها ..مسيرا أو مخير ..لايهم فالأصل فيها متعة لحظة لانحياها ..إذا لم نراها أبدا من قبل ..ياإلهى كم أكره الانتظار ..أنتظار الموت او أنتظار الحياة
ولأن قطار العمر ماض لامحال ...وسنوات الصبا إلى زوال ..وبوادر النهاية شعيرات بيضاء تغزو هالة سوداء ..أيام تنطوى ..أحلام تمسى واقعا نحياه أو لا نحياه ..وغدا يصبح أمسا ..لامحال ..أين أنا غدا ؟ ..أين ذكريات الطفولة ؟ ..رفقاق الدراسة ..سنوات اللهو والمرح ..كل إلى زوال ..تراهم بعد العمر ..ذكرى أو حقيقة تبتسم وتتذكر ..تضحك أو تبكى ..تمسى كهلا بعد شباب ملأ عروقك ..يمضى الحبيب بعد أنقضاء الرحلة ..ويرحل القطار على قضبية فلا يكل ولا يمل ولا يحيد ...!!مكتوب منذ بداية الخلق ..ورحلة ستمضى حتما ..وفقط عند النهاية ندرك مغزاها وسرها المكتوم

ولأن القطار يسير بلا توقف .فلتنطوى الرحلة بما نهوى ..فستنطوى فى كل الاحوال ..عش اليوم قبل أن يأتى الغد ..كما سيأتى كل غد أستمتع بدقات الساعة إلى ان تصمت ..ورنين الهاتف قبل أن تفل الحروف وتصمت كل الكلمات ..أسعد بيومك قبل ان يشقى بك ..واجعل من حزنك مرحا ومن يأسك صبرا ..ومن أيامك أصل السعادة وسر الوجود ..فسينير الدرب حتما ..متى ؟؟ لاندرى ..ومن يدرى فهو القدر
وعندما تأتى الصدفة من جديد .......أضحك أو أبكى ...الهو أو أشقى ........فهو قرارك وتقدر الأيام وهو مصيرك - ايديا -وحتما إلى النفاذ


بقلم/أنجى منيب


أعتذر عن تأخرى فى كتابه موضوع جديد ولكن هذه المقاله الجميله استوقفتنى واحسست جدا بحروفها و كلمتها خصوصا فى هذه الايام التى أعيد التفكير في كل شىء فى حياتى ومستقبلى وافكارى فى الحياه . فى محاولة لاعادة ترتيب افكارى وحياتى

أتمنى ان تعجبكم المقاله وفى انتظار معرفة أحساس كل منكم بيها وبأى جزء او كلمات فى المقاله مس قلبكم أو فكركم وأحسستم بيه فى صدفه مرة بحياتكم أو صدفه تترقبوا أن تعيشوها أو جمله أحسستم بصدى لها بداخلكم

وكل سنه وكل اصدقائى الفضائيين طيبين .....رمضان كريم ...وفى انتظار من سيحضر فطار الساقيه للمدونين والحجز مسبقا هذه الايام فى قسم الحسابات فى الساقيه الصاوى الحجز بيوم 26 سبتمبر والتفاصيل فى مدونة عندلبيات - للمدونه عاليا حليم


نبضـــات

54 comments:

.:.-=- ELGaZaLy-=-.:. said...

بر فى جريدة لاتقرئها دوما ..إعلان فى مذياع قلما تسمع إليه ..صديق طال غياب أو قريب على سفر ..حالة ترقب دائمة لصدفة تغير حياتك ..تشقيك أو تسعدك ..لايهم .فالأصل فيها صدفة ....حدث عابر علامة مجهولة تضىء لك الحلكة وتفتح لك طاقة نور غائبة ..وتشع بريقا متى خبت عنك أضواء الحياة
-----------------------------

هى المقالة كلها تستحق ان يعلق عليها الف مرة بصراحة يمكن كل كلمة فيها لمستنى..عارفة الجزء الى عملت عليةة تعليق دة والجزء بتاع صدفة التقى ابى بامى ..قتلونى بجد

كل سنة وانتى طيبة يا نبضات وان شاء الله رمضان القادم تبقى حقتى كل احلامك..بجد سعيد جداا انى قريتلك حاجة جديدة...

Shref said...
This comment has been removed by the author.
Shref said...

الجــــمــــــيلة نــــبـــــضــــات
كنت أتمنى أن أكون أول المعلقين على المقالة لانى أنتظرت طويلا الموضوع الجديد و لكن فى هذة المرة طال الانتظار و لكن ..... يبدو .... أن الموضوع الجديد ........... يستحق الأنتظار فقد تعودنا ان تطلي علينا كل شهر بقطعة فنية رائعة قد تكون من صنع يديك أو إلتقطيها لنا من بحور الانغام ، المقالة اكثر رائعة و لا ابالغ ان قلت لك ان كل حرف فيها قد اكون عايشتة و ممرت به
تحياتى و اريد التنويه اننى سأكتب رد تفصيلى عن الموضوع لكى اوضح اى التعبيرات احسست بها اكثر من غيرها أو جملة وجدت بها صدى بداخلى ، واتمنى لكى ، ان تغيريي حياتك للأفضل ، خالص تحياتى و رمضان كريم .

صاحب المضيفة said...

كلام فلسفي عميق يدل على روح شفافة للخير


تحياتي

نبضات said...

الغزالى

سعيده ان المقاله عجبتك واوافقك الرأى فى انها تستحق أن يعلق عليها الف مره وكل كلمه فيها لمستنى انا ايضا وانا أقرائها. لكن... عارف يامحمد اكتر جزء فعلا حسيته فيها هو ....يتقابل الغرباء بحثا عن إجابة..علامات تعجب وأستفهام وكثير من الترقب ..وسؤال حائر بين المتناقضات ..لماذا التقينا ؟ ماذا يخبىء لنا القدر ؟ لكأننا على موعد ..نتوافق كتوام روح ..نتشابه كشقى قلب انشطر ليلتحم من جديد..أباق معى أم إلى الزوال ؟؟ ..ولا يكل السؤال ولا تاتى الإجابة ..وعند النهاية ، ندرك كم ضاعت اللحظة ..كم كان الحاضر حلوا ولم نعشة ..وياتى الغد ..كما سيأتى كل غد ..ودوما وخز فى قلب حائر ..ودمعة تتحجر فى عين باكية ..وترقب يقتل فرحة اليوم وامل الغد

لانه عبر عن مشاعر الحب الحقيقى بمنتى العمق اللى تحسيه فى كل حرف فى هذه الجزئيه

وكل سنه وانت دائما طيب واشكرك على امنياتك لى ولك نفس الامنيات
سعيده جدا بزيارتك وتعليقك الجميل

تحياتى
دائما منووووووورنى

عاشــــــ النقاب ـقــــة"نونو" said...

كلها كلها جميلة
كلها استوقفتني
كل جزء فيها بيعزف على وتر مختلف
ولعل وتري الصدفة اللي جمعت بين امي وابي فجئت انا والصدفة اللي جمعتني به فجابت جيل ويتبع باذن الله
طبعا بطريقتي مش باللفظ اللي مكتوب
بس حقيقي راقية في اختياراتك
كل عام وانتم الى الرحمن اقرب
رمضان كريم
وعيد سعيد مبارك عليكي وعلى امة محمد اجمعين
تحياتي

نبضات said...

شريف
اولا امبارح انا كنت فاتحه المدونه بليل وشوفت كومنت اتمسح
خمنت انك بتعلق وقولت اكيد شريف وقعدت انتظرت فتره لحد ماخلصت تعليقك وقراته
مش لازم تكون اول تعليق المهم انك من اوائل المعلقين

كل سنه وانت دائما طيب ورمضان كريم واتمنى اشوفك فى فطار الساقيه لو كان ينفع تيجى دى دعوه مخصوص لك من نبضات بصفتك قارىء دائم للمدونه ومن اكتر الناس اللى بتتعمق فى قرائه البوستات مما ينعكس على تعليقاتك المميزه اللى بجد بنتظرها وبتعجبنى كتير

فى انتظار تعليقك المفصل ومعرفه صدى هذه الكلمات الفلسفيه الرقيقه الشفافه الومانسيه بداخلك

اشكرك على امنياتك بس بصراحه مش عارفه هيا حتتغير للافضل ولا للاسوء دعوووووووواتك


تحياتى
دائما منوووورنى

نبضات said...

صاحب المضيفة
سعيده بهذه الزيارة بعد انقطاع دام فتره طويله لكن سعدت بعودتك للتعليق عندى
فعلا مقاله فلسفيه وجميله وتدل على روح جميله وشفافه وعميقه ورومانسيه لكاتبه هذه المقاله الجميله

وشرف لمدونتى أن أنشر مقالتها عندى

تحياتى
دائما منووورنى

نبضات said...

عاشقة النقاب
كل سنه وانتى دائما طيبه واسرتك طيبه وعيد سعيد ويارب نكون كلنا اقرب الى الرحمن فى رمضان وان يمر الشهر الكريم على قلوبنا ومعاملاتنا مثلما يمر على عبادتنا.وفى انتظارك فى فطار الساقيه اتمنى جدا اشوفك عشان نعوض المره اللى كنا واقفين فيها جنب بعض ومش تعرفنا على بعض

المقاله فعلا عجبتنى جداااااااا لذلك فكرت فى نشرها عندى مع ان فى ناس كتير بتكون ضد ان المدون ينشر غير كتباته لكن انا بحب انشر اى شىء جميل يستوقفنى واعمل سبوت عليه لكى تشعروا بجمال معانيه مثلما شعرت بيها لان ممكن كلمه او جمله تاثر فى انسان أو تغير فيه أو تفيده ويتعلم منها أو على الاقل تعبر عن حاجات جواه فيستمتع بقرائتها
سعيده ان المقاله عجبتك بجد

جميله جدا الجمله التى استوقفتك وانا ايضا رغم اعجابى بالمقاله كلها لكن فى جزء استوقفنى امامه فتره طويله وهو

يتقابل الغرباء بحثا عن إجابة..علامات تعجب وأستفهام وكثير من الترقب ..وسؤال حائر بين المتناقضات ..لماذا التقينا ؟ ماذا يخبىء لنا القدر ؟ لكأننا على موعد ..نتوافق كتوام روح ..نتشابه كشقى قلب انشطر ليلتحم من جديد..أباق معى أم إلى الزوال ؟؟ ..ولا يكل السؤال ولا تاتى الإجابة ..وعند النهاية ، ندرك كم ضاعت اللحظة ..كم كان الحاضر حلوا ولم نعشة ..وياتى الغد ..كما سيأتى كل غد ..ودوما وخز فى قلب حائر ..ودمعة تتحجر فى عين باكية ..وترقب يقتل فرحة اليوم وامل الغد

تحياتى
دائما منووورنى

Wish I were a Butterfly ... said...

المقالة كلها عجبتني جدا جدا، وكل جزء أقول هقوللك على إحساسي بيه بس ألاقي اللي بعده جذبني أكتر!! أسلوب راقي و عميق أوي أوي. .بس يمكن أكتر حاجة استوقفتني كان "والأصل فى القدر أن نستمتع به إلى أن يتبدل.." وإن الحقيقة إننا مش بناخد بالنا من الجمال اللي حواليناأو نحاول نستمتع باللحظة غير بعدرحيلها

والتساؤل اللي بعدكدة عن التقاء الغرباء و الصدفة..بجد المقال كله روعة. أحييكي جدا على اختيارك

نبضات...أنا بحب البلوج بتاعك أوي بس كل مرة آجي بلاقيني مش قادرةأقول أي تعليق و أمشي تاني من غير ماأقول حاجة :(. بس بجد مدونة راقية جداااا:) وصاحبتها كمان حبيتهاأوي أول ماشفتها
تحياتي

نبضات said...

wish i were butterfly
اشكرك على كلماتك الرقيقه ونفسى اسالك سؤال هو احنا اتقابلنا قبل كده ؟؟

المقاله على فكره مش انا اللى كتباها ولكن عجبتنى جدا وحستها اوى فحبيت انشرها فى مدونتى واللى بصراحه تستاهل كلماتك الجميله الصحفيه الجميله اللى كاتبه هذه المقاله وانا اكتر حاجه عجبتنى فيها واستوقفتنى زيك ... الجزئيه أو التساؤل تلاقى الغرباء ولماذا التقينا ؟
ولكن المقاله كلها تمس القلب وحاجات بنحسها كلنا بس مش بنعرف نعبر عنها دائما بهذا العمق والرومانسيه والرقه والرقى اللى مكتوبه بيه المقاله

على فكره...انا من عادتى بفتح مدونة اللى بيعلق ليا عشان اتعرف على شخصيه مين اللى بيعلق ليا ولما فتحت مدونتك سحرتنى الموسيقى بتاعتها وقبل قرأه اى كلمه حسيت اكيد بتتكلمى بنفس لغه الرقى والعمق التى اكتب واتكلم بها فى مدونتى

قرات بوستك الاخير وتاكدت من حكمى لانه عجبنى جدا وبأذن الله اعلق عليه لانى كنت لسه بفكر اكتب موضوع عن نفس الحاجه الجميله اللى اتكلمتى عنها خصوصا وهو بدر كامل هذه الايام
سعيده جدا جدا بمعرفتك وصداقتك الفضائيه

ودائما فى انتظار تعليقاتك

بس ليا سؤال مهم للغايه جداااااااااااااا
واتمنى تجاوبى عليه فى اسرع وقت

اسم الموسيقى اللى فى مدونتك ايه وأيضا اسم المؤلف الموسيقى لها


تحياتى
نورتى مدونتى جداااااااا

نبضات said...

wish i were butterfly
أفتكرتك ...انتى مامة عمرو اللى كنتى معانا يوم تجمع المدونات فى النادى
بس يارب يكون تخمينى صح
تحياتى

Shref said...

الجــــمــــــيلة نــــبـــــضــــات
شكرا على هذة الدعوة الكريمة و كنت أنتظرها من زمان من أى فاعل خير و خاصة فى رمضان و جعل الله بيوت المحسنين عمار ، أما عن صدى الكلمات الفلسفيه الرقيقه الشفافه الرمانسيه فقد لمست بداخلى أوتار كثيرة وهى كلمات كثيرة مهما حاولت التعبير عنها لا استطيع وصفها و منها
---------------------------------
..قدر يرسم الأيام ولا نراها ..يشكل الحياة وننسى دوما أن نحياها.
(نختار أحيانا و نظن أننا أخترنا و لكن فى الحقيقة أنها أقدار كتبت لنا من البداية ولكن تأخدنا الحياه فى دوامتها فننسى أن نعيش أقدارنا حلوها و مرها )
-----------------------------------
..والربيع صحوا وكنا ننتظر الخريف ..والشتاء قارصا فى انتظار نسمات الصيف ..فلا رأينا جمال الصقيع ..ولا ادركنا نفحات الربيع ..ولااستوعبنا سر الحياة
( الأمل الذى عشنا كثيرا فى إنتظارة الأمل الذى يعطي للحياه طعما و يبقينا متمسكين بالحياه بالرغم من قسوتها )
-----------------------------------
يتقابل الغرباء بحثا عن إجابة ...علامات تعجب وأستفهام وكثير من الترقب ..وسؤال حائر بين المتناقضات ..لماذا التقينا ؟ ماذا يخبىء لنا القدر ؟ لكأننا على موعد ..نتوافق كتوام روح ..نتشابه كشقى قلب انشطر ليلتحم من جديد..أباق معى أم إلى الزوال ؟؟ ..ولا يكل السؤال ولا تاتى الإجابة ..وعند النهاية ، ندرك كم ضاعت اللحظة ..كم كان الحاضر حلوا ولم نعشة ..وياتى الغد ..كما سيأتى كل غد ..ودوما وخز فى قلب حائر ..ودمعة تتحجر فى عين باكية ..وترقب يقتل فرحة اليوم وامل الغد
( بصراحة هذة الفقرة حاولت التعليق عليها و لكن لم أجد الكلمات التى توصف جمال العبارة رائعة لان كل كلمة فيها تحتاج إلى وصف خاص لجمالها فهى غزيرة المشاعر و أفضل وصف لها أن تبقى كما هى )
-----------------------------------
مكتوب منذ بداية الخلق ..ورحلة ستمضى حتما ..وفقط عند النهاية ندرك مغزاها وسرها المكتوم
( لا يدرك مغزاهاو سرها المكنون
إلا خالقها و لا نستطيع فقط إلا أن نحياها كما هى )
---------------------------------
عش اليوم قبل أن يأتى الغد
( أفضل ما يمكن عمله فلا نترك حياتنا تتسرب من بين أيدينا دون أن ندركها
)
--------------------------
واجعل من حزنك مرحا ومن يأسك صبرا ..ومن أيامك أصل السعادة وسر الوجود ..فسينير الدرب حتما ..متى ؟؟ لاندرى ..ومن يدرى فهو القدر
(أتمنى أن ينير الدرب يوما حتى نواصل الحياه ولكن القليل منا من يستطيع أن يجعل من حزنة مرحا و من يأسه سعاده )
-------------------------
خالص تحياتى
و إفطارا شهيا

Wish I were a Butterfly ... said...

آسفة بجد مش قصدي أزعلك، بس أنا مش مامة عمرو. أيوة هي كمان كانت اسمها هبة بس أنا مش هي :). أنا كنت هادية أوي أول ماجيت أكتر كمان فيمكن مش تفتكريني عشان كدة. معلش :$

فرحت أوي أوي لما قلتي إن البلوج بتاعي عجبك :))) شهادة أعتز بيها جدااا عشان انت حد راقي أوي و بحترمك أوي بجد

الموسيقى مش عارفة شفتي اسمها من البلوج و لا لأ. بس عموما هي بتاعة يانني اللي بعشق موسيقاه بجد جداااا معظمها
اسمها
in the mirror

أ / أحمد عبد المنعم said...

بسم الله الرحمن الرحيم
استوقفنى اسم نبضات فأردت أن أشعر بها
فوجدتها نبضات قلب رقيق
يرنو إلى إعادة ترتيب دقاته لتنبض مرة أخرى بصورة أرق

نبضات said...

شريف
كنت أتمنى أن تنورنا يوم الفطار
بالنسبه للمقاله فهى فعلا كل كلمه فيها لها معنى عميق وفلسفى وسعيده بكتابتك لكل الجمل التى استوقفتك فيها واشارك الرئى فى استوقافى امامها ايضا ولكن ....فى جزء فى هذه المقاله فعلا حسيته اوى جوايا حسيت أنى عيشته أو بعيشه وهو

يتقابل الغرباء بحثا عن إجابة ...علامات تعجب وأستفهام وكثير من الترقب ..وسؤال حائر بين المتناقضات ..لماذا التقينا ؟ ماذا يخبىء لنا القدر ؟ لكأننا على موعد ..نتوافق كتوام روح ..نتشابه كشقى قلب انشطر ليلتحم من جديد..أباق معى أم إلى الزوال ؟؟ ..ولا يكل السؤال ولا تاتى الإجابة ..وعند النهاية ، ندرك كم ضاعت اللحظة ..كم كان الحاضر حلوا ولم نعشة ..وياتى الغد ..كما سيأتى كل غد ..ودوما وخز فى قلب حائر ..ودمعة تتحجر فى عين باكية ..وترقب يقتل فرحة اليوم وامل الغد

فعلا أجمل وصف لها أن تبقى كما هى لانها مش محتاجه وصف أو تعليق فقط احساس بهذه الكلمات التى اعتبرها أجمل كلمات قرأتها طول حياتى أستطاعت أن تعبر بصدق وعمق وشفافيه ورومانسيه عن مشاعر حب حقيقى فى قلب أى انسان بيحب بجد مش بيحب وخلاص أكيد حيحس بهذه الكلمات التى اشبه بلوحه جميله او لحن جميل ومميز يترك أثر بداخلك حتى تشعر أن كلماته حفرت بداخلك وعبرت عن حاجات بنحسها واحيانا كتير مش بنعرف نعبر عنها بهذا الشكل الشفاف جدااااااااا

الافطار بصراحه شديده مش اعتقد انه حيكون شهى بس اللى متاكده منه ان المه حتكون اجمل كتير والمكان ايضا تحفه لانهعلى النيل .....فكر مرتين قبل ان تاخد قرارك ...شاور عقلك تانى ....ولو قررت تيجى ....لازم تحجز بسرعه ....أنت تختار

تحياتى
دائما منووووورنى

نبضات said...

wish i were butterfly
فراشتى الرقيقه جدااا
أنا مش زعلانه انا بس خمنت تخمين خاطىء بس سعيده جدااا بمعرفتك ومعرفة مدونتك اللى فعلا جميله جدا وابهرتنى بجد فى رقه مشاعرها وتأملتها الراقيه والعميقه واللى حسيتها بتتكلم بنفس اللغه التى اتكلم بيها فى مدونتى واستمتعت اكتر بالموسيقى الخرافيه المصاحبه اللى بجد اكتر من رائعه وايضا الهامش الجميل واللى ابدعتى فيه اللى فى مدونتك
مش لاقيه كلمات تعبر عن سعادتى بعرفة حد جميل جدا مثلك

انا مش قادره اتذكر اوى انتى مين بس اعتقد انك كنتى من اللى قاعدين بجانب فاتيما مممممممم عموما اكيد حنتقابل تانى واتعرف عليكى واتمنى جداااااا أن اشوفك يوم فطار الساقيه

أنتى عشان جميله بتحسى بالجمال والرقى فى البشر وبجد مش مجامله انى اكثر رقيا ورومانسيه وعمقا منى
سعيده جدا بمعرفتك وببدايه الصداقه التدوينيه الفضائيه بيننا

واشكرك جدا على اسم المؤلف الموسيقى والموسيقى الذى سوف اهتم بسماع الموسيقى بتاعته كلها لانه حد مميز جدا فى موسيقاه

تحياتى
دائما منووووورنى

نبضات said...

أحمد
جميل جدا..ان تبدأ تعليقك باسم الله
أشكرك على كلماتك الرقيقه التى بعتبرها من أجمل الكلمات التى وصفت بها مدونتى والتى استوقفتنى امامها أتأملها لفتره...ويارب تكون مواضيع نبضات دائما عند حسن ظنك بها
نورتنى فى زيارتك الاولى لمدونتى

تحياتى

Shref said...

تعرفى يا نبضات
كل واحد فينا حس بكل كلمة فى المقطوعة الرومانسية الى اخترتيها و الى تقريبا لاحظت ان فى حد تانى اختارها تعرفى لية لان ممفيش حد فينا محبش مفيش حد فينا فى يوم اتمنى ان يكون مع حبيبة حتى اخر العمر مفيش حد فينا حس بحزن فى يوم من فراق حبيبة او خوفه في يوم ان حبة يضيع من بين ادية و هنا فى واحد بيحارب بأستماتة عشان حبة و يمكن فى الاخر يستسلم للاقدار التى كانت السبب الاساسى منذ البداية فى التقاء قلوب المحبين فأحيانا تكون أقوى من الحب ذاتة و يقف البعض الاخر فى حيرة من امرة و ينتظر ، هل سيبقى الحب الى الابد و يعيش لحظات السعادة مع توأم روحة مع نصف قلبة الاخر يتمنى ذلك لكي يعود قلبة الى الحياة و يملأها نبـــضـــات تسعد حياتة و تملاء الدنيا من سعادتها الغامرة و يبقى السؤال فى عينة أباق معى أم إلى الزوال ؟؟ ولكن فى النهاية ايضا ترسم الاقدار خطواتة
خالص تحياتى الرقيقة
اما عن افطار الساقية كنت اتمنى ان احضرة لكى ارى و اسمع نبـــضات .... ولكن تحتم علينا الاقدار احيانا مالا نريد

Wish I were a Butterfly ... said...

:)))

أنا فعلا كنت بفكر أكتبلك إني كنت جنب فاتيما طول اليوم
:$ أصلي حبيتها أوي

عارفة إنك زهقتي مني بس إن شاء الله آخر تعليق البوست دة

تحياتي ليكي وشكرا جدا على كلماتك اللي بجد أنا مش أدها خااااالص :)

نبضات said...

شريف

اشكرك على المتابعه وعلى تعليقاتك المميزه

وايضا...عشان المقاله عبرت عن حاجات كتير بنحسها لكن مش بنعرف نعبر عنها بس انا عند رأى ان مش كل الناس بتحب حب حقيقى ومش اى حد ممكن يحس هذه الكلمات المعبره عن حب بجد ونادر وخوف من فقدان اللى بيحبه ...وصدف تقلب حياتنا وتجعلنا نعيش هذه المشاعر النادره والمميزه والعميقه

كنت اتمنى انك تنورنا بس مدام فى ظروف خلاص فرصه تانيه عشان تستمتع بالمه والشخصيات الجميله الموجوده فى الفطار

تحياتى
دائما منوووورنى

نبضات said...

wish i were butterfly
ابدا والله مش زهقت منك خالص
بالعكس بجد انتى بتنورينى وببقه سعيده بتعليقاتك وبالتواصل معكى والدليل انى معلقه عندك 3 تعليقات ههههههههه وبرده كنت مكسوفه منك
واضح انك حساسه جدا زىى
بس بجد بكون سعيده بتعليقاتك وعلقى زى مانتى عايزه كانك فى مدونتك مع ان مدونتى متواضعه كتير عن مدونتك الرقيقه والاتموسفير الرائع فيها

انا تقريبا افتكرتك يوم التجمع بس حتاكد لما اشوفك قريبا على ارض الواقع
فاتيما انسانه جميله جدا ...انا كمان بحبها اوى وبينا صداقه تدوينيه من قبل ماتعمل مدونه من اول ماكانت بتعلق من غير مدونه وموضوعات وانا بحبها وبحب تعليقاتها
وانتى كمان بجد بعزك اوى زيها لانك حد جميل جداااااااااااااااا

تحياتى
دائما منورنى فراشتى الرقيقه

doctor mohamad said...

أهى دى بقى عيوب التصفح بالموبايل .. >يفكر غاضبا< .. أنا حافظ صفحة التعليقات بالبوست السابق عندى و كل شوية أفتح أشوف لو فيه تعليق أو رد جديد و نسيت تماما إن فيه بوست جديد .. و أنا كنت باسأل نفسى : "هو التعليقات واقفة ليه هناك؟! >إبتسامة< .. عموما .. نأسف لهذا العطل الفنى .. مقدمة لابد منها ، أما بالنسبة للموضوع ، فأنا أتوق لموضوع من كتابتك .. خلينا نعرفك أكتر و تعرفينا .. و بالنسبة لهذا الموضوع فأعجبتنى الكلمة : "نعيش اليوم ف انتظار الغد ، و يأتى الغد ككل غد" .. حتى نصل قولها "الأصل ف القدر أن نستمتع به إلى أن يتبدل " و ضربها أمثلة بالربيع و الشتاء و و .. جميلة جدا هذه القطعة .. ذكرتنى بحكمة دائما ما أتمثلها و كثيرا ما أنقذتنى من هم الحياة لصفوها .. هى لكارنيجى ف كتابه "دع القلق و استمتع بالحياة" .. حيث قال: "لا تعبر الجسر قبل أن تصله" .. أحسنتى يا نبضات و نقل و اختيار موفق و أسلوب بليغ لكاتبته و تحرى الصدق عند النقل أمر يحمد لكى .. و ها أنا مرة ثانية أراكى ف اختيارك لما تنقليه .

أ / أحمد عبد المنعم said...

بسم الله الرحمن الرحيم
أشكرك على تعليقك الرقيق
وكنت اتمنى ان أشارك فى هذا الإفطار الذى تتحدثون عنه
لكنى لا أعرف كيف السبيل إلى ذلك ؟
أرجو إعلامى إن كان فى الإمكان
وشكرا

نبضات said...

د/ محمد
اشكرك على التوضيح لانى فعلا أستغربت عدم تعليقك وقلت اروح اشوف ايه الاخبار عندك ؟؟ لاقيت مشاده كده فى التعليقات !!وبصراحه شديده جدا استغربت بعض ردودك على التعليقات فى المشادة خصوصا الرد الاخير لك ...ممكن يكون كلامى فى تفطل منى لكن انا بعتبرك اخ عزيز فى التدوين عشان كده بتكلم معاك بتلقائيه واتمنى مش تضايقك من تلقائيتى فخمنت انه ممكن تكون مش بتعلق عند حد الايام ديه
عمومااشكرك لتوضيحك ومش تضايق من صارحتى معك

بالنسبه للمقاله سعيده انها عجبتك وبانك ذكرت اللى عجبك فيهاوعلى فكره .. انا بحس ان اى حاجه بنشرها ليا او لغيرى بتعبر عنى وانا مش بنشر حاجه الا لو كان فيها كتير منى
خصوصا المقاله ديه لانها فعلا استوقفتنى كتير امامها لرقه وعمق وصدق تعبيراتها
وباذن الله تقرأ لى حاجه قريب
واشكرك على كلماتك الرقيقه فى التعليق

تحياتى
دائما منوووورنى

نبضات said...

أحمد
الفطار فى ساقيه الصاوى بالزمالك شارع 23 يوليو والحجز من هذه الايام وقبل يوم الفطار والوجبات تبدأ من سعر 30 جنيه أو 40 جنيه وحتعرف التفاصيل لما تروح هما وجبتين واحده ب30 جنيه والتانيه ب40 جنيه والفطار فى قاعه النهر على النيل وعلى فكره ...حيحضر الممثل خالد الصاوى ولكن بصفته مدون لانه زميل معنا فى التدوين
واحنا بنقعد كلنا كمدونين بعد الفطار معا وبيكون يوم جميل
انا حضرته السنه اللى فاتت كنت لسه عامله المدونه ومش كتبت فيها حاجه وكانت بدايتى مع نبضات
اتمنى تشاركنا الفطار هو حيكون بيوم 26 رمضان ولو حتيجى حاول تروح الساقيه بسرعه وتحجز فى الحسابات يوم 26 رمضان وتختار الوجبه والوصل اللى بتخده بتقدمه يوم الفطار

منتظرينك واى استفسار اسال بدون اى احراج

تحياتى

أ / أحمد عبد المنعم said...

بسم الله الرحمن الرحيم
أشكرك شكرا جزيلا على الرد السريع
وسأحاول الحجز قبل يوم الجمعةإن شاء الله لكن إن فشلت فى ذلك فأرجو لكم إفطارا شهيا ولقاء جميلا مفيدا

نبضات said...

أحمد
أتمنى تكون حجزت لو حتحضر الفطار

وعموما ...اى استعلام عن شىء بخصوص فطار الساقيه ممكن تتصل على رقم
0124400100
وتقول انك عاوز تحجز بيوم 26 رمضان
وهما حيوضحوا لك اكتر
اشكرك على امنياتك لنا واتمنى أن تكون معانا فى هذا اليوم

تحياتى

doctor mohamad said...

الرد الأخير؟؟ أيهم بقى؟؟ .. ع العموم كل حاجة عدت و بقينا حبايب .. ده كان عتاب قاسى من نوع خاص .. و لو عرفتى جذور الموضوع لما استغربتى و لعرفتى إنى متسامح _للأسف_ لأبعد حد .. روحى شوفى دلوقت وصلنا لفين يا أستاذة نبضات .. >إبتسامة<

Shref said...

نبضات الجميلة
واضح ان الموضوع ده شاغل الناس كلها و ده دليل على انة موضوع جيد و انا شخصبا طبعت البوست و عرضتة على واحد صاحبى متتصوريش اد اه اتأثر اد اه بالكلمات زى متأثرت انا بيها لانها عاملة زى اللوحة الفنية كل واحد بيشوفها من زاوية احساسة بيها و يظهر ان احاسيس البشر واحدة لانة علق على نفس الجزء(....يتقابل الغرباء بحثا عن إجابة..علامات تعجب وأستفهام وكثير من الترقب ..وسؤال حائر بين المتناقضات ..لماذا التقينا ؟ ماذا يخبىء لنا القدر ؟ لكأننا على موعد ..نتوافق كتوام روح ..نتشابه كشقى قلب انشطر ليلتحم من جديد..أباق معى أم إلى الزوال ؟؟ ..ولا يكل السؤال ولا تاتى الإجابة ..وعند النهاية ، ندرك كم ضاعت اللحظة ..كم كان الحاضر حلوا ولم نعشة ..وياتى الغد ..كما سيأتى كل غد ..ودوما وخز فى قلب حائر ..ودمعة تتحجر فى عين باكية ..وترقب يقتل فرحة اليوم وامل الغد)
خالص تحياتى

نبضات said...

د/ محمد
بصراحه انا مش تابعت هذه المشاده بتركيز ولكن فقط وقعت عينى على بعض التعليقات ورودها وانا مش مهتمه اعرف اصل الحكايه ايه ولا حتى وصلت لايه
لانى حد مش فضولىىىىىىىى خالص
وفعلا الموضوع مش هاممنى مطلاقاااااااااا

لكن ...ممكن احنا فى التدوين مش نعرف بعض لكن كل واحد فينا بيكون مكون صوره فى خياله عن اصدقاء مدونته خصوصا الدائمين القرأه له.. تعليقك فقط كان بيتعارض مع فكرتى عنك فى كتاباتك وتعليقاتك الملتزمه مش تخيلتك تقول حاجه كده ولو لتهريج ولو عاوز تعرف ايه تعليق هو الرد على التعليقات التانى بتاريخ 21 سبتمبر بس خلاص
مش توضح ليا انت كان قصدك ايه لانى بجد مش مهتمه فقط استوقفنى التعليق وحسيته متعارض مع شخصيتك فى الكتابه والتعليقات فحبيت اسجل ملحوظتى عليه بس اتمنى مش تكون ضايقتك

اشكرك جدا على المتابعه والتوضيح وفى انتظار موضوع جديد لك يادكتور

تحياتى
دائما منورنى

نبضات said...

شريف
انا كمان طبعته ووريته لصديقاتى وعجبهم جدا وصوروه منى

وانا شخصيا قرأتها اكتر من مره وفى كل مره بحس باكلماته جدا بحسها لوحه جميله او لحن جميل خصوصا كلما وصلت لهذه الجزئيه التى احس بصدى لكلماتها داخلى خصوصا فى هذه الايام يمكن اكتر ياشريف من اى حد قرائها حاسه بكل حرف فى هذه الجزئيه لانى بعيشها تماما مثلما كتبت من اولها لاخرها بنفس العمق والخوف والتناقضات وبسال نفسى نفس السؤال كتير أباقى معى ام إلى الزوال؟ ولا تاتى الاجابه مثل ماتقول الكاتبه

على فكره عجبتنى اوى كل واحد بيشوفها بزاوية معينه لانها فعلا كده زى اللوحه الفنيه

اشكرك جدا على المتابعه واللى بكون سعيده بيها جداااااااااااا

تحياتى
دائما منوووووووووووورنى

houda said...

اخلص تحياتي للاغلى انسانة في دنيا وحشاني اوي ووحشاني مواضعك والله الفترة اللي عادت ما كانش ليها طعم من غيركم صحيح انا غبت مدة طويلة بس دايما كنت فبالي لان ما فش حاد بينسى اغلى حاد عند ومبروك عليكي شهر الفضيلة ويارب يجعل شهر خير ونجاح يا رب وكل سنة وانتي طيبة سامحني لاني بطلت اعلق على مواضعك بس الفترة اللي جاية حاتلقي تعليقات دايما ملية مدونتك واللي تعليق تاني على مواضعك الجديدة
ونفسي اقول كلام كتير بس مش عارفة ابدء منين وبكتفي بكلمة واحدة .بحبك اوي وحفضل احبك لاخر لحضة فعمري
تحياتي لاحلى اخت في دنيا

نبضات said...

الجميله والرقيقه هدى
وحشتنى كتيررررررررررر
ومفتقده جدا تعليقاتك وكلماتك الرقيقه التى احس فيها بالصدق والحنان
اسفه جدا لتاخرى فى الرد على تعليقك بس كنت بخرج الايام اللى فاتت بعد الفطار وبرجع على النوم
مش عارفه اقول ايه على كلماتك الجميله غير انى ابادلك نفس هذه المشاعر الصادقه وربنا يخليكى ليا ومش يحرمنى من حبك ولا تعليقاتك
وكل سنه وانتى دائما طيبه ومحققه كل امالك وسعيده ودائما قريبه من قلبى ودائما اخوات واصحاب
بحبك جداااااااااااااااااا
فى انتظار تعليقاتك دائما ومش تتاخرى عليا كتير لانك فعلا بتسيبى مكان كبير فاضى فى مدونتى
خلى بالك من مذاكرتك وكل سنه وانتى طيبه بمناسبه العام الدراسى الجديد ودائما من المتفوقين
اهم حاجه دراستك ياهدى مش تخلى حاجه تعطلك عنها عشان تقدرى تكونى فى المستقبل الحاجه اللى بتحلمى بيها ونفسك تكونيها

تحياتى
دائما منوررررررررنى
ودائما فى قلبى

بنت مصريه said...

جميله قوى القصيده يا منى
فعلا الحياه تستمر والايام كفيله بان تنسى الالام
احييكى على اختيار مقالاتك
اتمنى تنورينى
لتتذكرى احداث افطار عبد المنعم الصاوى

romansy said...

كل سنه وانتى طيبه
عيد سعيد عليكى وعلى المسلمين جميعا
باليمن والخير والبركات

Unknown said...

فعلا زى ما قالى الغزالى المقالة يستحق ان تعلق عليها الف مرة
قيمة جدا و تحمل الكثير من املعانى القيمة و الجميلة
أختيار متميز ينشد للأفادة لكل من يقرأه كالعادة

أنتمتى الحبية كل سنةو انتى طيبة اول عيد على وجود نبضات وسط المدونين يا رب منورة التدوين دايما برقتك و موضوعاتك التلقائية النابعة من القلب

موناليزا said...

احييكى على امانة النشر وحسن الاختيار
وياريت ماتتأخريش علينا تانى
وكل سنة وانتى بخير وصحة وسعادة ويارب يكون عيد سعيد علينا جميعا

Shref said...

الجمــيله والرقـيقــه منــــى
كـــــل ســــنة و أنتى طـــيبة
و ان شاء الله السنة الجاية احلامك كلها تتحقق و تفضلى منورة المدونة على طول بأرق الكلمات الجميلة ، كنت عاوز اقولك انا انا كمان كل لما بقرا البوست بحس انى بقرئة للمرة الاولى و كل مرة بحس فية بمشاعر جديدة و لحد لما بوصل للجزء الى بيمس اوتار القلب الى انتى عايشاة كلة من اوله لاخرة بحس زيك بكل المتناقضات الى فية انا كمان عشت و بعيش كل كلمة فيها ، غريبة اوى الدنيا مش كل الى بنتمناه بيتحقق و تفضل تانى لعبة الاقدار و ادينا بنعافر معاها عشان نعرف نعيش
وكل سنة وانتى طيبة و خالص تمنياتى لك بالسعادة

نبضات said...

بنت مصرية
اشكرك على كلماتك وسعيده ان المقاله عجبتك وباذن الله ازورك قريبا

تحياتى


رومانسى
كل سنه وانت دائما طيب وعيد سعيد على كل المسلمين ودائما أقرب فى طاعه الله
اشكرك على هذه المعايده الرقيقه

تحياتى

عاليا حليم
اول عيد فطر على نبضات وفى نفس الوقت تاريخ ميلاد لاول بوست فى نبضات السنه اللى فاتت
اشكرك ياعاليا على كبلماتك الرقيقه وكل سنه وانتى دائما طيبه ودائما اصحاب فى التدوين وخارج التدوين
واسفه لتاخرى فى زياره مدونتك التى افتقدت كتير التعليق فيها

تحياتى

نبضات said...

موناليزا
اشكرك على كلماتك . اما بالنسبه للامانه فالأنسان اللى عنده امانه فى شىء عنده امانه فى كل شىء حتى حقوق الملكيه الفكريه
كل سنه وانتى دائما طيبه وسعيده
ححاول مش اتاخر بس مش اوعدك بجد بس لما اتاخر اعرفى انها ظروف صعبه عليا فاعذرنى
افتقدت تعليقاتك عندى كتيررررررررر

تحياتى


شريف

كل سنه وانت دائما طيب وسعيد ودائما منورنى بتعليقاتك فى المدونه
وانت كمان بهديك نفس الدعوه الجميله بان تكون السنه الجيه محقق كل امانيك واحلامك
بصراحه ... انا الان مش بقيت احس بهذا الجزء ولكن ...احس بجمله واحده هى ..دوما وخز فى قلب حائر ..ودمعة تتحجر فى عين باكية

فى كلمات ممكن نحسها فى وقت معين ولكن فى وقت اخر لانشعر بها رغم اعجبنا بيها ونشعر فقط بذكريتنا مع هذه الكلمات والام الفراق
ولكن تظل المقاله كلها لوحه جميله ولحن مميز اعتز بوجوده فى مدونتى واشعر بكلماته
وفعلا مش كل لى بتنمناه بنفوز بيه ولكنها خطوات مشينها وكل من كتبت عليه خطا مشاها ...وقدر يسعدنا أو يشقينا
اشكرك على امنياتك بالسعاده التى افتقدها كتير هذه الايام

تحياتى

Shref said...

منــــــــــــــــى الجمـــــــــــــــلة
أرى دموعا تسيل من بين كلماتك دموعا مليئة بالاحزان ، نبضات يجب ان تعلمى أن الأقدار تخفى لنا اكثر مما تظهر و ربما ما تحسبينة زوال انما هو تقارب و كما يقول الشاعر قد يجمع الله الشتيتين بعد ان يتفرقا و يعود الشطرين مرة اخرى ليلتحما معا ليكونا قلب كبير ملئ بالمشاعر الرقيقة الدافئة و النبضات الرائعة
خالص تمنياتى بالسعادة

نبضات said...

شريف
الجمله الاولى فى التعليق وصف دقيق لمشاعرى هذه الايام
الجمله الثانيه شىء مستحيل ان يحدث
اما السعاده ...شىء اتمنى ان احسه واحتاجه جدا هذه الايام بس بقول يارب اقدر احس بالسعاده تانى
اشكرك على كلماتك الرقيقه وعلى المتابعه وممكن رجاء... ان تكتب التعليق من غير ماتكتب لى اى مسمى فى اوله
دائما منورنى بتعليقاتك وبحسك العالى بكل مااكتب سواء فى البوستات او فى التعليقات

تحياتى لك دائما

فى القلب said...

ولأن القلب من التقلب نتقلب ..ولأن الإنسان من النسيان ننسى ...وتاتى الصدفة ..إشارة غامضه تذكرنا بقدر ننسى دوما انه وراء الأشياء ..كل الأشياء ..قدر يرسم الأيام ولا نراها ..يشكل الحياة وننسى دوما أن نحياها..نعيش اليوم فى انتظار الغد ..ويأتى الغد كما سيأتى كل غد ..ويمسى الحاضر ماضيا ..والغد أمسا بعيدا ..وأحداث اليوم ..مجرد ذكريات


الجزء ده عجبنى أوى عشان واقعى ميه فى الميه

وكل سنه وأنت طيب يا جميل وعيد سعيدعليكى

Shref said...

نبضات
تعتقدين انة المستحيل ، لا أحد منا يعرف ماذا تخبئ لة الاقدار، ظننت كثيرا انها النهاية و لكن رحمة ربى كانت أوسع من كل شئ كان يشعر بأنين قلبى و ألمة و عندما اعتقد انها النهاية و ان الدنيا قد ضاقت على يشملنى برحمتة لا تيئسى من رحمتة فلا تدرين النهاية ربما رسمت لك الاقدار السعادة ولكن بطريقة مختلفة ، و يجمع الله قلبك بشطرة الأخر
خالص تحياتى
شـــــــــــــــريف

houda said...

كلمات متناسقة ومعبرة تركت صدى عميقا في داخلي ولاني احسست بكل عبارة كتبت باناملكي الدهبية. الاجمل في الحياة هي الصدفة الجميلة التي في بعض الاوقات ننتظر مجاءها بفارغ الصبر لانها قد تحمل معاها حدتا سيغير مجرى حياتنا نحوالافضل لهذا نبقى فانتظار شئ له ارتباط كبير بحياتنا اسمه الصدفة او القدر.وكما نكون في بعض الاوقات ننتظر حلول صدفة طال حلمنا بحلولها هناك صدف تحل دون ان ننتظرها ومن غير ان نحلم بها قد تجعلنا نلتقي باناس كان لهم حضور في حياتنا ولظروف الحياة قد ننسهم وننسى ذكرياتنا معهم وعندما تحل الصدفة نسترج ذكرياتنا رغم اختلاف الاماكن والازمان والاوضاع وهنا نزداد تصديقا بان الدنيا صغيرة ومهما تباعدنا فلا بد من يوم نلتقي وكما توجد صدف تفرحنا هناك صدف تحزننا رغم اننا لانتمنى حلولها لكنها تاتي حاملة معها ذكريات مؤلمة لطالما حاولنا نسيانها وفجاءة تتكرر نفس الصورة في داخلنا وكاءننا بالامس لم ننسى وهذه هي الصدفة قد تفرحنا وقد تحزننا قد نتمنى الا ترحل لحضاتها وقد يكون العكس .اما انا فمند وقت طويل صرت احب القدر لانه جعلني التقي بكي واحب ايامي لانكي فيها واحب الاخوة لانكي رمزها واحب الوحدة لانكي مؤنسة فيها.

houda said...

انا رجعت تاني والمرة ذي انا مطولة معاكم واسعت بموضوعك الاخير وباختياراتك للمواضع اللي بتكون عبراتها قريبة من افكاري وبحس فيها بتشابه افكارنا وعيد سعيد وكل سنة وانت طيبة ويارب تكون سنة كلها نجاحات وسعادة وتحققي كل اللي نفسك فيه ومستانين موضوعك الجديد ويارب ما طوليش علينا
تحياتي

hamsaa said...

نبضات كل سنة وانتي بالف خير وصحة وسلامة
وانا اسفة انا شفت الرسالة النهاردة بس للاسف فمعلشي مجتش فطار الساقية بس وعد اعوضهالك في اقرب فرصة تمنياتي لكي بخالص الامنيات
همسة

§a§a said...

كل سنه وانتى طيبه يا نبضات

ومقال ممتاز مشاء الله


تحياتى

نبضات said...

فى القلب
كل سنه وانتى دائما طيبه واسرتك الصغيره طيبه
فعلا جزء جميل ودائما احنا بنعيش اليوم فى انتظار الغد وياتى الغد كما سياتى كل غد ..ويصبح الحاضر ماضى لان الكثير منا لايعرف كيف يختتطف لحظات السعاده من كل يوم لان اليوم اللى بيعدى مش بيرجع تانى
دائما تشكل الايام وننسى دائما ان نحياها
جزء واقعى جدا بنعيشه كل يوم وقليل منا من يحاول ان يحيا الحياه ويختتطف لحظات السعاده منها بدون الوقوف طويلا امام مشاكل الحياه وتخبطاتها
قليل من يفهم فلسفه الحياه

تحياتى



شريف
اجمل تعليق كتبته فى مدونتى ...رغم تعليقاتك اللى دائما بتعجبنى لكن هذا التعليق فعلا جميل وفعلا جعلنى ابتسم وانا بقرائه فى ان ممكن النهايات تتغير
وانه مافيش مستحيل وان فعلا رحمه ربنا وسعه ...حتى ولو كانت الاقدار ترسم لنا السعاده بطريقه مختلفه ويجمع القلب بشطره الاخر ...عجبتنى اوى هذه الجمله وهذه الامنيه الجميله التى لايعرف معناها الا ناس قليله

تحياتى
كل الشكر على هذا التعليق المميز والجميل

نبضات said...

الجميله والرقيقه هدى
الله ...جميله جدا كلماتك قد ايه انتى انسانه جميله ورقيقه
كلماتك ممكن تضيف لهذه المقاله جمال ورونق على جمالها
فعلا الصدف ليها دور كبير فى حياتنا مثل صدفه معرفتنا اللى بعتز بيها جدا من خلال التدوين وصدف كتير فى حياتنا بعضها مفرح وبعضها محزن
مش عارفه اقول ايه بعد كلماتك التى قرائتها كذا مره واستمتعت بيها وحسيت قد ايه اضافة فعلا للبوست بتاعى ربنا يخليكى ليا ودائما بتنورنى بتعليقاتك الجميله والمميزه
سعيده بمعرفه انسانه جميله مثلك ومشاعر صادقه مثل مشاعر احسها فى كلماتك رغم عدم معرفتى بيكى فى الواقع

كل سنه وانتى دائما طيبه بتمنى لك نفس الامنيات
بان تكونى ناجحه دائما وتمنياتى لك بالسعاده والا تفرق بيننا الايام
وانا كمان فى انتظار موضوع جديد من موضوعاتك
حاولى تكتبى فى مجالات مختلفه لان اسلوبك عميق وقوى وراااااااااااائع بجد
ولا تحصرى نفسك فى مواضيع محدده
دائما متميزه ...ودائما رقيقه وصادقه وعميقه ...وسابقه سنك بكتيرررررررر
ربنا يحميكى دائما
بحبك جداااااااااااااااااا

تحياتى

نبضات said...

همسة
كل سنه وانتى دائما طيبه ومش مشكله تتعوض واشوفك قريبا على ارض الواقع وعلى فكره ....اليوم مش كان حلو اوى بس كنت اتمنى انك تنورينا برده
واتمنى ان اقرا لكى حاجه جديده قريبا

تحياتى

مصطفى
كل سنه وانت دائما طيب يامصطفى وسعيده ان المقاله عجبتك وكنت اتمنى اعرف اى انطباع عنها او اى جزء فيها ترك صدى بداخلك
دائما منورنى بتعليقاتك ومتبعاتك
واتمنى اشوفك قريبا على ارض الواقع فى اى تجمع تدوينى

تحياتى

Shref said...

الجميلة نبضات
يارب أكون قدرت أكون أوصلك المعنى الى انا حاسس بية و حاسس كدة ان حالتك النفسية اتغيرت شوية ، اتمنالك كل السعادة و تكونى قضيتى وقت سعيد فى العيد و عاوزك تعرفى ان القلب لا ينبض بمفردة و لو كان ده ممكن كان تعب من زمان فالحياه تحتاج الى قلب واحد و نبضين ، كل واحد فيهم يريح التانى شوية
، و المفاجأه الاخيرة انى كتبت اول موضوع لكن لسة هعدل علية شوية يعنى هوة كدة مش فى شكلة النهائى لسة هكملة انا بس حبيت ابداء عشان لو استنيت تانى مش هكتب حاجة
خالص امنياتى بالسعادة

المثالي جروب said...


شركة تنظيف منازل بالخبر تعد افضل شركة تنظيف بالخبر والمنطقة الشرقية حيث تستطيع تقديم افضل خدمات التنظيف الشاملة ومكافحة الحشرات بالضمان بمحافظة الخبر باعلي جودة ممكنة وبارخص الاسعار المثالية التي لا تتوفر الا مع شركة تنظيف بالخبر فأذا اردتم الحصول علي خدما تنظيف المنازل والشقق والفلل والقصور والبيوت والمجالس والكنب والموكيت والمفروشات بجميع انواعها فتستطيعون الحصول علي جميع خدمات التنظيف بالجودة والدقة المثالية وبكفاءة عالية وبدقة ليس لها مثيل وهناك اهم خدمات التنظيف وهي خدمات تنظيف المجالس والكنب والمفروشات والتي تقدمها شركة تنظيف مجالس بالخبر بالاعتماد علي كافة الاساليب الحديثة وماكينات التنظيف بالبخار المتخصصة في التنظيف والتجفيف وازالة البقع كما ان شركة المثالي جروب لديها فروع بالمنطقة الشرقية فيتوفر لديها الخدمات الاتية

شركة تنظيف فلل بالخبر
شركة تنظيف شقق بالخبر
شركة تنظيف منازل بالدمام

شركة تنظيف منازل بالقطيف
شركة تنظيف بالقطيف
شركة تنظيف مجالس بالقطيف
شركة تنظيف فلل بالقطيف

شركة تنظيف خزانات بالجبيل
شركة تنظيف مسابح بالجبيل
شركة صيانة مسابح بالجبيل