الحب ... ليس من تستطيع ان تعيش معه ولكن ................. من لاتستطيع ان تعيش من غيره
متى نحب ؟؟ عندما نجد المعانى التى نبحث عنها فى قلوب واعماق من نحب ........ والموجوده فى قلوبنا
ام عندما لا نعرف السبب فى مشاعرنا نحو من نحب بمعنى لانعرف لماذا نحب
هذا الأنسان !!؟ وكيف ؟؟ ومتى ؟؟ ........حدث ذلك
أو كما يقول الشاعر نزار قبانى
الحب ليس رواية شرقية
بختامها يتزوج الأبطال
لانه الابحار دون سفينة
وشعورنا ان الوصول محاله
و ان تظل على الاصابع رعشة
وعلى الشفاة المطبقة سؤال
لا تجرحى التمثال فى احساسه
فلكم بكى فى صمته تمثال
قد يطلع الحجر الصغير برعما
و تسيل منه جداول وظلال
حسبى وحسبك ..ان تظلى دائما
سرا يمزقنى..و ليس يقال
نبضــــــــــات
50 comments:
السلام عليكم
الحب كاعاصير الشتاء
ياتي من حيث لا ندري ولا نشاء
ولكن حين نشعر به يكون كالماء
يداوي الجراح وكانه الدواء
تحياتي
الحب ... ليس من تستطيع ان تعيش معه ولكن ... من لاتستطيع ان تعيش من غيره
الجملة دي تحفة بجد
تحياتي
السلام عليكم
الحب هو العطاء دون انتظار مردود له
هو الوفاء والاحساس بالامان والطمأنينه
ولكن لابد من اختيار من يستحق هذا الحب
تعليق بسيط " ان أردت شئ بقوة فأطلق سراحه فأن عاد اليك فهو ملكك الى الأبد و ان لم يعد فهو لم يكن ملكك من البداية "
يعني .... خير الكلام ما قل و دل مع السلامة يا نبضات
ألأحب شيء عام وجميل وممكن نلاقيه في كل حاجه في حياتنا
لما نطيع ربنا تكون كل حاجه حلوة في حياتنا
ياريت يكون في زيارة للمضيفة
كتبنا بوستين كده على الماشي عن الحب
نحب نشوف رأيكم
السلام عليكم
اولا :عجبتني كتير جملة الحب ليس من تستطيع ان تعيش معه ولكن من لا تستطيع ان تعيش من غيره
ثانيا :متي نحب ؟؟ فانتي اجبتي, بمعني نحب عندما نجد المعاني التي نبحث عنها في قلوب واعماق من نحب والموجوده في قلوبنا
تحياتي وسلامي
الحب هو المتاع المحرم فى رحلة تملؤها الدموع
الحب هو السعادة المتمردة النافرة الحاقدة على الضلوع
الحب هو الغرور عندما يرتدى أبهى أزياءه و يمر امامى ضاحكا ضحكته الغبية قائلا دعينى أستمتع بتلك المسرحية الهزلية
----------------------
هذا البوست أجمل ما خطته يدك
مهند
وعليكم السلام ورحمة الله وبركاته
تعليق جميل يعنى انت من مؤيدين ان الحب لاتعرف له سبب حتى ولو كان الانسان الذى تحبه مختلف عنك فى الشخصيه او ليس بداخله المعانى التى تبحث عنها ولكن ..الحب عندك مثل اعاصير الشتاء ياتى من حيث لاندرى ولا نشاء ولا نعرف له سببا بمعنى انه كمياء بين شخصين ليس لها سبب
تحياتى
دائما بتنورنى
مندهش
أزيك يامحامى منورنى والله
انا ايضا بحب الجمله دية جداااااااااا
واؤمن بيها ودائما اضعها امامى
تحياتى
دائما منورنى
محمد مفيد
وعليكم السلام ورحمة الله وبركاته
تعريف جميل جدا للحب ومن اجمل وارقى واعمق التعريفات التى قيلت عنه وانا معك انه لابد من اختيار من يستحق هذا الحب لاننا مشاعرنا وقلوبنا جواهر لانعطيها الا لمن يستحقها
ولكن ؟؟ متى نحب لما نجد المعانى التى نبحث عنها اما عندما نشعر بمشاعر عميقه مجهولة الاسباب حتى ولو لم نجد المعانى
تحياتى
shref
اولا منورنى ياباشا ويارب نكون اتصالحنا
جميله الجمله ووجه نظر برده يعنى ..خير الكلام ماقل ودل مع السلامه ياشريف
تحياتى
دائما بتنورنى
صاحب المضيفة
جميله جدا الكلمات والحب فعلا ممكن ان نجده فى اشكال والوان كثيره فى حياتنا واجمل واكبر وأول معانى الحب هو الحب لله سبحانه وتعالى والرسول صلى الله عليه وسلم
بس انت برده مش جاوبت على السؤل فيما ترى الحب معانى نبحث عنها ام احاسيس لانعرف سببها
وان شاء الله ازو مدونتك والبى هذه الدعوه قريبااا
تحياتى
راك
ازيك ياصديق المدونه اللى مش بيرد على تعليقات القراء فى مدونتك ههههههههه
الحب هو من لاتستطيع ان تعيش من غيره
انا ايضا بؤمن بهذه الجمله جداااااا
يعنى انت من اصحاب وجهه نظر ان احنا لما نحب بنحب المعانى اللى فى قلوب اللى بنحبهم واللى موجوده فى قلوبنا
وليس مع ان الحب مجهول الاسباب اممممممممممممم وجه نـــظر برده
بس ..لو وجدنا المعانى ولم نشعر بمنتهى الحب بمعنى قد تجد المعانى ولا تشعر بالحب الكبير وقد تجد الحب الكبير ولا تجد المعانى انا شخصيا لا اعرف اجابه لذلك قلت اشارككم معى التفكير
تحياتى
دائما منورنى
عالـــيا حلــــيم
صديقى الغاليه وانتمنتى فى الحياه والتدوين
شهادتك اعتز بيها جداااااخصوصا من صاحبة مدونه جامده زيك وليست صديقه فقط
انا برده معكى ان هذا البوست من اقرب البوستات لقلبى لانى لم اخطه بيدى قد ماخطته يدى مايمليه عليها قلبى لانه فعلا ابحار فى القلب ولا اعرف له اجابه
ابياتك ونثرك عن الحب ادمع عينى
لانه حزين جدا ومعبر عن افتقاد وجود الحب أو الحب المفقود الامل فيه
يارب تكون ايامك كلها حب وسعاده ياعزيزتى لانك تستحقيها
بس برده مش جاوبتى الحب معانى ولا من غير اسباب
تحياتى
دايما منورنى
واتمنى اشوفك قريب
وحشتينى
منى!! بجد وحشتينى... انا اسفة على غيابى الفترة دى كلها عنك.. الامتحانات وبئس المصير زى ما انتى عارفة ههههههه
على العموم انا جاية اصلحك وجايبة معاية علبة شيكولاتة واتنين كيلو موز وبرتقال علشان زوار البلوج برضه
:) :)
بأمانة شديدة.. انا مابؤمنش بالحب بالصورة دى اللى قدمها نزار قبانى فى قصيدته
يمكن مفهوم الحب عندى جاف شوية لأنى بخضعه للعقل والمنطق وبحدده بأسوار الكبرياء
الحب مجرد علاقة تجاذب بين طرفين بتكون قايمة على أسباب نفسية بحتة.. يعنى عوامل اجتماعية او جنسية مشتركة
والأنسان باستطاعته ان يتحكم فى هذه المشاعر مجرد ما بيشعر انها ممكن تكون ليها تأثير سلبى عليه من خلال علاقته بالاخر
بس خلاص... انا عارفة هتضرب
ههههه
الحب ذلك الانسان الذى يعيش بوجدان كل انسان
بوست تحفة بجد ماشاء الله
كل حاجة فيه صادقة
عجبتنى اوى كلمة عاليا دي
الحب هو الغرور عندما يرتدى أبهى أزياءه و يمر امامى ضاحكا ضحكته الغبية قائلا دعينى أستمتع بتلك المسرحية الهزلية
ربنا يكرمك يا نبضات
اجمل نبضات
لما تبحر كدا فى القلب
بمراكب نزار
تحياتى الوردية النزارية القلبية
كريم بهي
ابقى زورينى
الى انا قلته هم راى و اجابتى و اشكرك على تعليقك الرقيق انهاردة عندى
ربنا يديم صداقتنا
تحفة كلامك عن الحب
فعلا اللي منقدرش نعيش من غيره
السلام عليكم ورحمة الله وبركاته
الحب هو ان تنسى نفسك لكى لا تسع ذاكرتك الا لمن تحب
كما قالت رابعه العدويه فى حب الله
ولكنى لا اتذكر
والسلام عليكم ورحمة الله وبركاته
ليس من تستطيع ان تعيش معه ولكن ... من لاتستطيع ان تعيش من غيره
رائعة الجملة دى , بحييكى على جمال كلماتك
الحب وآه من الحب ، شعور غريب بيجي للواحد مش بيعرفله مقدمات أو سبب، موضوع محير فعلا وكبير بجد وليه الف وصف ووصف عند الشعراء والأدباء والافراد العادين
تحياتي
سؤال صعب جدا و يمكن يكون أصعب سؤال في الدنيا و لو عمانا فيه أمتحان و سألنا ما هو تعريف هذا السحر العجيب الذي يدخل قلوبنا دون إستئذان او مقدمات او حتى اسباب نعرفها و ما هى اعراضة و ما هي أسبابة و ما هي طرق الوقاية و العلاج....... لكانت النتيجة .." لــم ينجــح أحد " و في أحسن الظروف تكون نتيجة الأمتحان 1 % او اقل قليلا أرجو عدم كتابة بوست جديد حتى نسمع الأجابة الصحيحة و نري من هو الفائز فى هذا الأمتحان الصعب ربما يكون أحد الذين أصابهم هذا الداء ... و كتبت لة النجاة منة أو يكون أحد السحرةالذي أكتشف لة دواء .أشكرك على الموضوع الجميل و أتمنى أن أكون أحد الناجحين .
البيدا
وحشتنى جدا ياصديقة المدونه وصديقة القلب بس انا عزراكى عشان الامتحانات ربنا يوفقك ودائما من المتفوقين
ومرسى على الهديا بس التلاجه مليانه مش كنتى تتعبى نفسك اما الشيكولاته فانتى حسيتى بيا لانى محتاجها هذه الايام عشان تشعرنى بالسعاده التى افتقدها بشده
بالنسبه لرايك صدمنى بشده لان اول مره نختلف فى الراى
فانا اوافقك ان الحب يجب ان يكون اساسه العقل والمنطق وان يحاط بسور من الكبرياء وان يقوده اراده الانسان وتحكمه فى مشاعره لكى يكون دائما معنى شامل لكل المعانى الراقيه والجميله ولا يكون له اثر سلبى على الانسان
لكن ........تعريفك للحب غريب جدا وجاف اختلف معكى فيه كماانك لم تجيبى على السؤل المطروح
بمعنى اخر متى البيدا تشعر انا فى حالة حب ؟؟عندما تجد المعانى اللى فى قلبها والتى تؤمن بيها وتبحث عنها فى اعماق وقلب شخص تانى يعنى احنا بنحب المعانى وصفات الانسان أم ....عندما تشعرى بكمياء بينك وبين انسان أخر لاتعرفى لها سبب حتى ولو اختلف عنك فى الصفات سؤلى محدد وفى انتظار اجابه محدده
وانا وراكى وحطلع اللى فى اعماقك يامنال وانا متاكده ان كلامك مجرد تعريف فى فكرك ولكن اعماقك وقلبك مش كده فى نتظار اجابتك وامام الجمهور كله
تحياتى
دائما بتنورنى
بحبك
sasa
تحياتى لك على هذا التعريف الجميل والمميز ولكن ....اين اجابه سؤلى
متى تشعر بالحب وفى اى حاله من الحالتين بمعنى ....عندما تجد المعانى ولا الكمياء
تحياتى
نورتنى
سمسه
شكرا على كلماتك الرقيقه التى اسعدتنى لانى بفرح اوى لما بكتب حاجه من قلبى وتدخل قلوبكم وتحسوا بصدقها
انا كمان عجبتنى كلمات عاليا ولمست قلبى
وشكرا على الدعوه الجميله ربنا يخليكى تحياتى
نورتنى
كريم بهى
اهلا ..اهلا نورتنى مفتقده تعليقاتك الرقيقه وشكرا على التعليق الجميل ولكن ....اين اجابه السؤل متى ياكريم تشعر انك فى حالة حب ؟؟؟
عندما تجد المعانى ام تجد الكمياء
تحياتى
دائما بتنورنى
منى انا عاوزه اقولك حاجه بسم الله ما شاء الله عليكى انتى فعلا كتاباتك جميله جدا واحساسها حلو وفيها معانى جميله جدا انا مهما قولت مش هقدر اوفيكى حقك في جمال اختيارك لمواضيعك
يارب دايما متألقه بمواضيعك الرائعه اللى بدل على شخصيه اروع
الحب دا اجمل شئ فى الوجود وفعلا زى ما قال اشرف عبد الباقي في فيلم حب البنات ان الواحد بيعيش طول عمره يدور على الحب وانا شايفه ان الانسان فعلا من غير حب فاضى لان اجمل حاجه في الحب الحنان ودفئ المشاعر اللى بيبقى متبادل بين الاحباب
ربنا يكرمك ويوفقك ويحبب فيكى كل خلقه
عاليا حليم
اولا مش عارفه ليه تعليقك كبسنى اوى
زى ماتكونى بتقولى هو دا اللى عندى
هههههههههههههه
عموما ...مرسى على اليوم الجميل والسعيد اللى قضناه معا فى خان الخليلى استمتعت جدا بيه واستمتعت باالرمان الرائع اللى شربته على قهوة الفيشاوى ربنا يخليكى ليا ياعاليا
تحياتى
shah
شكرا على كلماتك الرقيقه وفعلا احنا بنحس اننا فى حالة حب لما نشعر ان هذا الانسان مش نقدر نعيش من غيره وليس مجرد انسان ممكن نعيش معه
مع انك مش جاوبت على سؤالى ؟؟؟ بس سعيده بزيارتك للمدونه وتعليقك واتمنى مش تكون اخر مره
تحياتى
نورت المدونه
مؤمنة
وعليكم السلام ورحمة الله وبركاته
الله الله على الكلمات الجميله جداو شكرا على تعليقك المميز بجد بتنورنى لما بتزورى مدونتى بس ماجوبتيش على السؤال؟؟ انتى لما تختارى شريك حياتك حتختاريه لان فيه معانى انتى بتبحثى عنها ولا عشان بتحسى معه براحه ومشاعر لاتعرفى لها سبب
تحياتى
دائما بتنورنى
زى الهوا
ربنا يخليكى وانا سعيده بزيارتك ويارب تنورنى دائما باالزياره والتعليق بس ايضا ....مش جاوبتى على السؤال الحب معانى ام احساس ليس له سبب؟؟؟؟؟
تحياتى
yahia
تعليق جميل ياعم الرومانسى ولكن ....اين اجابة سؤااااااااااالى
الحب معانى أم احساس ليس له سبب
شكرا على التعليق الجميل ودائما بتنورنى
تحياتى
shref
تعليق رائع سعدت به جدا وعلى فكره اذهلنى كل هذا الجمال فى الكلمات والاسلوب والمعنى
سعيده انك كاتبه بالغه العربيه
ومختلف عن كل تعليقاتك عندى قد ايه جمال الكلمات فى تعليقك واسلوبك بجد من اجمل ماكتبت عندى فى المدونه اما بخصوص اقتراحك فبجد مش لاقيه كلمات توصف اعجابى بهذا الاقتراح اللى مش يقل جمال او معنى عن البوست بتاعى اسمحلى ان اقولك انك ضفت جمال بتعليقك واقتراحك على جمال البوست بتاعى
وفكره جميله ...انا مش حكتب بوست جديد الا لما اسمع اجابات لهذا السؤال لانى لااعرف له اجابه وانا كتبت هذا البوست عشان اقدر اوصل لاجابه
عن هل الحب؟؟؟ معانى موجوده فى قلوبناونبحث عنها فى قلوب البشر واذا وجدناها نكون بنحب ام مشاعر لانعرف لها سبب ولا حتى سبب واحد لماذا نحب هذا الانسان وكيف ومتى حتى ولو كان مختلف عنا وليس به المعانى التى نبحث عنها
قبل كتابه البوست الجديد حختار اكثر التعليقات التى اشعر انه لمس اعماقى او شىء بداخلى ... كانبضات
بس من قبل مااختار كلكم ناجحين لان كل انسان له معنى فى الحب حاسس بيه وخاص بيه احترمه حتى ولو لم اشعر بيه وهو لا يدل ان صاحبه راسب . الراسب فى نظرى هو الانسان اللى مش بيقدر يحب فى معنى الحب عموما الحب بكل الوانه فالحب هو مايقودك إلى النور ...لا إلى الظلام ولا يفكر الا فى نفسه فقط ولكن ..كل القلوب اللى بتحب عموما وكل اللى شاركنى تفكيرى وابحارى فى قلبى وشرفنى ونورنى بتعليقه على هذا البوست ناااااااااااااااجح
فى انتظار اجابتك على سؤال البوست ؟
وانت اكيد من الناجحين والمميزين كمان واشكرك لان تعليقك اجمل التعليقات على هذا البوست
تحياتى
دائما بتنورنى
tota_ fm
اشكرك من اعماق قلبى على كلماتك الجميله التى لمست قلبى ربنا يخليك ويارب اكون دائما عند حسن ظنك وانت اكيد انسانه جميله من جواكى وعندك نفس المعانى اللى انا بتكلم عنها لانه لايشعر بالجمال الا من بداخله وفى قلبه جمال ويمتلك هذه الملكه
عارفه ياتوته لما قلتى فى بداية كلامك منى حسيت كانك تعرفنى شخصيا وكاننا اصحاب مع ان كلامك ومدحك اكبر كتير منى بس حسيت كلامك من قلبك اوى
بالنسبه لفيلم حب البنات انا بحب الفيلم دا جدا وشوفته كتير لانى مش بقدر اقاومه لما بيتعرض ومش بزهق خالص منه لانى دائما بستمتع بهذا الكم من المشاعر الرقيقه والراقيه التى يحملها هذا الفيلمفى الحب بكل الوانه وليس فقط الحب العادى بين شخصين وايضا بستمتع بموسيقى عمرو خيرت التى تضفى لمسه سحريه جميله له كانها احد ابطاله
وبتعجبنى مقوله اشرف عبد الباقى ان كل الناس بتبحث طول عمرها عن الحب وحكملك كلامك وباقت الجمله....بس
مش كله بيجدوه فى ناس بتعيش وبتموت ومش بتلاقى الحب واكيد قصده مش الهيافات والصداقات الى بنشوفها هذه الايام ولكن الحب الحقيقى ليس كل البشر بيجدواه ولكن بعضهم وحتى اللى بيلاقوه احيانا تقف الدنيا والظروف امام استمرار هذا الحب ووصوله الى الزواج
فالحب الحقيقى ...اخلاق ورقى وعمق فى المشاعر وتضحيه وسعاده حقيقه
شكرا على الدعوه الجميله وانا كمان بقول يارب تتحق هذه الدعوه لى ولك
تحياتى
دائما بتورنى
الحب في الأرض
بعض من تخيلنا
لو لم نجده عليها
لإخترعناه
هكاذا قال نزار أيضا
وقد سمعت لأنيس منصور عباره تحمل ما تضمنه ماكتبت
تحبها لمميزاتها لبس حبا
تحبها رغم عيوبها هذا هو الحب
فالحب بلا منطق
بلا تبريرات
فقط هو الحب
بوست رائع
وعبارتك التقديميه هذه جميلة حقا
وصحيحه
إذا اردنا ان نتخيل الجمال فى أكمل صوره فيكفينا أن نستمع الى الموسيقى الجميله
تحياتى بعمق
369عفوا سيدتي أنك تشبهين الحب و كأنة حذاء تشترينة فأن وجدة ضيقا عليك و يسبب لك المتاعب ألقيت بة فى سلة المهملات .. سيدتي أن الحب لهو شئ ثمين يستحق العناء و التعب من أجل الحصول علية .. فهو هبة السماء الى الأرض القاحلة و هو سحر الكون و سر الحياة الذى ينسينا متاعب الأيام سيدتى ان الحب ليس معادلة يجب أن يتزن طرفيها و ليس بتركيبة لها مواصفات محددة فلا يمكن مثلا ان تكتبين المواصفات القياسية فيمن تحبين و عندما تجدينها في شخص ما تقعين في حبة فكثيرا ما نقابل الشخص الذى تكتمل فية المعاني التى نبحث عنها و لكن نجد القلب و قد تجمد أمام العقل و يحاول العقل أن يسحبة و لو بالقوة عندها تجدين نفسك في حيرة من أمرك لا تعرفين لماذا ؟ و كيف ؟ فحينها لا تجدين فيمن تنتظرين المعانى و لا بمن تحلمين أشتياق و يتحول القلب الصغير الى مارد كبير و تتحول نبضاتة الى صرخات سيدتي أنها ثورة القلب المقهور ، صرخات تشبة طبول الحرب ، الحرب على هذا العقل المغرور فيتحكم القلب بكل مشاعرك و يسيطر عليها سيطرة تامة لا تدري ماذا يحدث لك فأنت منقادة و بدون إرادة وراء قلبك حينها لا تعرفين الكرامة ولا تعرفين الأنتظار فهو كما يقال عطا بلا أنتظار إذن ليس بالمعاني فقط يولد الحب فهو جنين يتغذى بالمشاعر الرقيقة ،فقد توجد المعاني و لكنة حب ميت بلا أحاسيس جسد بلا روح. و قد يتصارع الأثنان أيضا و لكن في هذة المرة يبداء القلب المعركة و ينجذب الى شخص دون أية أسباب و بدون مواصفات قياسية و للمرة الثانية ينتصر هذا المارد الصغير و يدير دفة المعركة أنة حقا صغير و لكن يحمل الكثير ، أنة الضعيف القوي أنة الصغير الكبير أنة القاسي الحنون أنة القلب،،، موطن الحب ،،،، سر الحياة .
shref
لقد جرحتنى بقولك ان الحب عندى مثل الحذاء بجد تشبيه قاسى جداولو هو كدا عندى مش كنت كتبت هذا البوست انا بسال سؤال وحتى ولو كانت الاجابه أن الحب معانى فليس معنى ذلك انه حذاء!!! او انى ممكن ارميه فى سلة المهملات !!!
شكرا على تعليقك
تحياتى
ايه الغيبة الطويلة دي ؟؟
يارب تكوني بخير
وطمنينا عليكي
أسف على سوء الفهم فأنا لم أقصدك تماما و لكن أقصد رأي بعض التعليقات في ان الحب مبني على اساس من العقل البحت و محاط بسور من الكبرياء فالحب كما عرفناة عطاء و العطاء دون كبرياء اما الجزء الأخير من التعليق فهو يخصك سؤالك عن معنى الحب و اسف مرة اخرى على سوء الفهمفأنا لم أقصد صاحبة هذة المشاعر الجميلة اطلاقا
ليس الحب ان تبقى بجانب من تحب
ولكن الحب ان تبقى بقلب من تحب
نبضات رقيقه كصاحبتها
دمت بود
روري
افتقدتك يا أغلى صديقاتى التليفون عندى حرارته مقطوعة
رجعتى من أسكندرية و لا لسة
خلصى يلا عايزين نخرج مع بعض فى عيد الحب
أنتى فين يا نبضات
مشتاقين لنغماتك الرقيقة و صباحك المعطر و روحك الحلوة ؟؟
أرجعى بتدوينة حلوة زيك بقى..
مامت يوسف
مندهش
ازيك يامحامى نورتنى وان شاء الله ازو مدونتك قريبا وانا الحمد لله كويسه وسافرت يومين اسكندريه ..دعواتك يامحامى وشكرا على السؤال ربنا يخليك
تحياتى
دائما منورنى
shref
وجهة نظرك وضحت يافندم بس انا زعلانه منك عشان حتى ولو كنت مش قاصدنى برده لازم تحترم كل وجهات النظر ومش يصح خالص ان واحنا بتكلم عن الحب وهذه المشاعر الرقيقه والراقيه نجيب سيرة الاحذيه صح ولا انا غلطانه مهما كان راى اللى قصادنا مخالف لنا لازم نختار تعبيراتناوكلماتنا وعلى فكره ...صاحبه هذا الراى وانت كنت مختلفه معاها فى وجهه النظر ولكنها صديقه قريبه لقلبى ولمدونتى
وكلامك وجرحك ليها كانك بتجرحنى انا
تحياتى
اتمنى انك مش تزعل من كلامى
مش زعلان لكن انا بزعل لما بلاقي بنت بتفكر باسلوب مادي بحت بعيد كل البعد عن المشاعر وب تقيم الأنسان الي معاها بشكل مادي .... عامة انا عاوز اعرف رأيك في الأجابة مش عارف ناجح و لا ساقط ...و لا هدخل ملحق
shref
انا قلت لك قبل كده بس انت مش خدت بالك ان كل اللى علقوا ناجحين حتى ولو مخالفين الرائى لى كفايه ان كلكم شرفتونى بتعليقاتك واكيد انت كمان ناجح يعنى مش حستقصدك واسقطك او تاخد ملحق يعنى عشان دايما مش فااااهم نبضات
او دائما بتغظنى لما تفهمنى غلط
او كلامك مثلا مستفز احيانا
هههههههههههههههههه
انا بهرررررررج مش تاخد كلامى جد
بس ...صراحتا أجمل التعليقات حتى الان هو تعليق مهند او من وجهة نظرى بس كل انسان له وجهه نظر وانا بحترم جميع وجهات النظر حتى ولو كانت عقلانيه او ماديه لان كل انسان بيحب بطريقته والاختلاف فى الراى لايفسد للود قضيه
وكلها الوان ومعانى مختلفه للحب
ودائما ....الحب ليس من تستطيع أن تعيش معه ولكن .....من لاتستطيع ان تعيش من غيره
تحياتى
دائما بتنورنى
عاليا حليم
وحشانى جدا وكل سنه وانتى طيبه بمناسبة عيد الحب وانا جيت من الاسكندريه يوم الجمعه ومش نسيت انى اسلملك على البحر
بس على فكره اول مانزلت من التاكسى على الكورنيش الاسكندريه اتمشى على البحر وجدت مطر غزير وكان المفروض اروح فى خلال ساعه عشان كان فى ضيوف جييين لنا حظى وحش . بس برده اتمشيت فى المطره بس كان نفسى اشوف البحر فى ضوء الصباح ومع اشعه الشمس ولكن اليومين عدوا بسرعه ولكن اسكندريه فى الشتاء رائعه جدا ودافئه وهاديه من الزحام
تحياتى
meto
معلشى اسم مدونتك طويل عشان كده اختصرتوا ومعلشى مره تانيه لانى علقت على تعليق مكتوب بعدك بس والله مش اخدت بالى مش قاصدى اى حاجه
بخصوص تعليقك ....جميله جدا كلماتك ومميزه فعلا الحب مش مهم ان يكون اللى بتحبه جنبك قد مامهم انه يكون فى قلبك ولو حتى يفصل بينك وبينه بلاد
او انه بسبب انشغلاته مش معاك على طول تعريف مميز وجميل بجد نورتنى
وشكرا على مجاملتك الرقيقه
تحياتى
دائما منورنى
فاطيما
سعيده جدا انك نورتى مدونتى ويارب يجى اليوم اللى يعجبك فيه اى حاجه من مواضيعى عشان تشرفنى بتعليقك
بس انا مش بدعوكى للتعليق الا فى حالة اذا لمس مااكتبه عقلك او قلبك
وشكرا على سؤلك عليا ربنا يخليكى ويخلى لك يوسف يامامت يوسف
تحياتى
قلب بيحبك
سعيده بمعرفتك وبمعرفة مدونتك
بردة مردتيش على السؤال ... يعني لا يوجد تعليق على الأجابة في ان الحب جنين يتغذى على المشاعر الجميلة ...وفيما يبدو ان اسلوبي في المقدمة أزعجكي و لم تقرئي التعليق بشكل جيد او لم تكملية من الأصل سيدتي لو قرأتية جيدا أرجو ان تجيبي انتي على سؤالك... ....
حمد الله ع السلامة يا منى ححاول الكلمك على الشات صباح الاربعاء ان شاء الله و يا ببختك قابلتى البحر
اه اسكندرية ما اجملها فى الشتا يوم فيها فى الشتا بالعمر كله
تحياتي
حقيقي بوست جميل جدا...و ليس هناك ما يقال بعد كل ما قاله الاخوة و الاخوات.
ربنا يوفقك دايما.
تحياتي و تقديري
shref
فعلا انا مش قريت تعليقك كويس لان تشبيهك عملى صدمه نفسيه فكرهت قراءه الباقى فى ان اكون بكلم فى الرقى والمشاعر الرقيقه وانبل المشاعر واجدك تشبه راى مهما كنت بخالف له تشبه بشىء ندوس به على الارض باوحش التشبيهات كانى بتكلم على اشياء جميله فى السماء وروحنيات واجد احد يكلمنى على البرك التى على الارض فى محاوله تشبيه لمضايقته باحد الاراء الى مش عجباه وان كان مختلف معها
عموما .....انا رجعت قرات باقى التعليق بناء على طلبك ياصديق المدونه واندهشت ازاى الجواهر الجميله اللى فى كلماتك قدرت وهانت عليك تشوهها بجملتك الاولى
انا معك فى رايك ان الحب واختيار شريك الحياه بيكون اكتر من غير سبب اكتر منه معانى بنبحث عنها بس اكيد لازم يكون جواه نفس المعانى التى نبحث عنها ولو بمساحه اصغر من مساحه المشاعر غير معروفة السبب ولكن ....بصراحه احساها بداخلى انه بيكون اكتر مجهول السبب عن انه بيكون معانى وفعلا ممكن نجد المعانى ونقف امامها حائرين ونحس ان فى حاجه ناقصه جوانا ومشاعرنا ليست فى قمتها لسه مش حاسين ان احنا مش نقدر نعيش من غيره رغم وجود المعانى النادره بداخله وهذا هو اصعب اختبارات الحياه وهو ان تجد المعانى التى بحثت عنها طول حياتك والمعانى النادره فى هذه الحياه الموحشه والتى من الصعب ان تقابلها مره اخرى فى حياتك ولكن ....فى حاجه جواك مجهوله تشعرك ان هذا الانسان لست تشعر انه جزء منك ولا تشعر انك فى قمة السعاده وانت معه
شكرا على تعليقك اللى فعلا ساعدنى وافادنى كتير على ابحارى فى قلبى
وبرده مش حقول ناجح ولا راسب لان الموضوع اللى بتكلم فيه ليس به نجاح ورسوب ولكنه احساس كل انسان فينا بيحسه بطريقة
ولكن ....اجابتك واجابه مهند فعلا من اكثر الاجابات القريبه لاحساسى فى معنى الحب عند اختيار شريك الحياه الحب الحقيقى البعيد عن العلاقات المشوهه والناس اللى بتلعب بهذه الكلمه لان هذا البوست متعلق فقط بالفهوم الراقى للحب الحقيقى عندما نختار من سيشاركنا عمرنا كله
تحياتى
دائما منورنى
كل عيد حب وانتى سعيده وحمد لله على السلامه
عاليا حليم
وحشتنى جدا واسفه انى مش جيت الساقيه هذا الاسبوع وان شاء الله السبت القادم حجيلك وعلى فكره ....حاولت كتير اعمل الخطوات اللى قولتيها لى عشان اعمل موسيقى مصاحبه للمدونه وفشلت
تحياتى
دائما منورنى
الربان
شكرا على التعليق والكلمات الرقيقه ونورت المدونه ولكن ....كان نفسى برده اعرف رايك فى الموضوع المطروح
وشكرا على الدعوه الجميله ويارب اكون دايما عند حسن ظنك
تحياتى
tota -fm
الله يسلمك ياصديقتى العزيزه وكل سنه وكل ايامك حب وسعاده ودائما بتنورتى ويارب تدوم بينا الصداقه الجميله دية فى عالم التدوين الفضائى الجميل
تحياتى
دائما بتنورنى
سلام عليكم اولا لانى اول مرة ازور المدونة
وقريت الموضوع وجبنى ربنا يوفقك
وتكتبى حاجة جديدة
تحياااااااااااااااااااتى
السلام عليكم .... أقدم الأعتزار مرة أخرى عما حدث من سوء فهم و لكن ما حدث هو بسبب هذا الرأي الذي يخرج من فتاة و التي من المفترض ان الأنثى هي اكثر إحساسا من الرجل بالمشاعر و الأحاسيس فعندما تجمد هذا المخلوق الرقيق المسمى بالحب بالكبرياء أو بالتقييم المادي فهذا أمر صعب إحتمالة لذلك كان تعليق و مع الأحترام للجميع فأنا أرفض هذا .... أما عن رأيك فهو تمما ما أقصد ،،، فالحب قد يولد بالمعاني لكنة يعيش بالمشاعر أو قد يولد بالمشاعر و يعيش بالمعاني و عندها تصبح الحياة بعد فترة جافة بدون نبضات فهو في حاجة إلى مشاعر يتغذى عليها حتى يصبح هذا الحب شابا وسيما أو فتاة جميلة يملاء الكون بالحياة و السعادة .....
جميلة جداً وعبجنى اوى المعنى ده
الحب ... ليس من تستطيع ان تعيش معه ولكن ................. من لاتستطيع ان تعيش من غيره
بجد صح اوى
:)
مصطفى محمود
نورت مدونة نبضات وسعيده ان الموضوع عجبك مع انك مش كتبت انطباعك ايه على الموضوع بس مش مشكله ممكن يكون عجبك بس مش ساب بصمه جواك
بالنسبه لكتابه موضوع جديد فهذا يتوقف على توافر الوقت لان دائما عندى أزمه فيه
تحياتى
shref
لا تعتذر حصل خير واعتبر نفسك كانك فى مدونتك بالظبط البيت بيتك فانت من اصدقاء المدونه ومتشوقه جدا للتعرف على مدونتك عاوزه اشوفك افكارك يافندم عشان انتقدك شويه ومفهمكشى شويتين واستفزك واصدمك بس فى الاخر محدش يزعل من التانى هههههههه يعنى اعمل زى ماكنت بتعمل معايا فى المدونه بالظبط
واتمنى اعرف رايك وبصراحه شديده التى تعودتها منك فى التجديدات الجديده فى المدونه واولها الموسيقى المصاحبه
تحياتى
دائما منورنى
حمامة
نورتينى وانا كمان بحب الجمله دية جدا ومؤمنه بيها لدرجة انى مش ناويه أتجوز ألا لو حسيت بيها لانها اكتر الجمل تعبيرا عن اختيار من سيشاركك عمرك وتوهبيه حياتك وقلبك
ناس كتير بنحس اننا ممكن نعيش معاها ولكن .....من لاتستطيعى ان تعيشى من غيره دا شعور مختلف تماما لانشعر الا فى حالة الحب الحقيقى فقط
تحياتى
شرفت بان أطأ باناملي مدونتك الرقيقه سئل احد الائمة عن هل الجسد يحمل الروح ام الروح هي التي تحمل الجسد فقال ان الروح هي التي تحمل الجسد فعالم المدونات هو غذاء روح ونتاج أرواح وتجاذب بين أرواح دون معرفة أجساد أو تلاقي بينهم دمت بود
ولتحيا العاميه ولتسقط العفاريت
Post a Comment