Sunday, June 1, 2008

تاج أخر .........وأحلام فى حياتى


التااج مره اخرى اهداء من صديقتى الرقيقه ايمان صاحبه مدونة شخابيط ورغم انى كنت بستعد لكتابه موضوع عن الارهاب وكنت متحمسه جدا للكتابه بعد شوفت فيلم جديد فى السنيما بيتكلم عن الارهاب ومش حقول اسمه الان لأن اسمه محرج شويه لكن بيتكلم عن الارهاب من وجه اخر غير متداول وفكر عجبنى جدا ولكن ... سأجله لبعد التاج لان لايصح ان اهدى بشىء واتاخر عن تقبل الاهداء

والتاج عباره عن .... عن خمسة أحلام فى الماضى كنت بحلمهم وخمسة أحلام فى المستقبل وشخصين موجودين فى حياتى وكنت أتمنى وجودهم فى حياتى وشخصين غير متواجدين وأتمنى وجودهم

أولا خمسة أحلام فى الماضى كنت بحلمهم : كنت بحلم ان اكون باليرينه خصوصا انى كنت بتذوق الموسيقى من وانا صغيره لان ابى ايضا من متذوقى الموسيقى خصوص العالميه والغربيه فتذوقت وسمعت الموسيقى فى سن صغير وكانت بتشدنى اكتر من الاغانى والباليه مرتبط بالموسيقى فكنت بحبه وايضا زى الباليه كان بيجذبنى جدا خصوصا الشوز والتناسق بين الموسيقى وبين مرونه وحركات الباليرينه وأدائهاالتمثيلى عن طريق حركات الباليه كان شىء بيجذبنى جداا وكنت بحب مشاهده عروض الباليه اللى كانت بتعرض على القناه التانيه زمان بشكل اكبر كتير من الان او ان اكون عازفه فى الاوبرا

أحيانا كنت بحلم اكون طبيبه لانى كنت بنظر للطب على انها مهنه انسانيه من الدرجه ألأولى لتخفيف اوجاع البشر وكانت بتمنى بجانب عملى الاساسى اهتم بتخصيص بعض الوقت وايام العمل لعلاج الفقراء أو من لايملك الامكانيات الماديه للعلاج بدون اى عائد مادى او مقابل عائد مدى رمزى

أحيانا اخرى كنت اتمنى اكون دكتوره نفسيه اسمع كتيررر لهموم البشر واحاول انى اساعدهم على قد مااقدر واكون بداخلى افكار مختلفه عن انماط شخصيات البشر وفى نفس الوقت اتامل اختلافات الشخصيات وطبعا دا كان حيساعدنى كتير فى انى حفهم شخصيات الناس اللى بتعامل معاهم وبالتالى مش حكون ساذجه احيانا فى حكمى على الناس او حرسم صوره فى خيالى لشخصيات واكتشف انها غير حقيقيه وانهم خلاف مارسمت وحعالج نفسى من العصبيه والحساسيه المفرطه واحاول اتقبل واتعامل مع مختلف انماط الشخصيه وحعرف افهم اكتر فى اعماق النفس البشريه

ايضا حلم الصحافه عشان اقدر اعبر عن افكارى اللى بمؤمن بيها وعبر عن البشر واقدر اثر فى الناس بكلماتى وادافع عن دينى بشكل اكبر وعن الرسول الكريم صلى الله عليه وسلم مما يقال عليه واحاول افهم الناس دينهم بشكل اكبر واعمل لوبى اسلامى قوى لتعريف الغرب بديننا واحاول ان ازرع المبادىء والاخلاق بداخل البشر عن طريق كتابتى خصوصا الاطفال محاولة تغيير ثقافة المجتمع وتربيه المجتمع اللى اصبح اكثره غير متربى تماما ومحاربه فيروسات الفوضى وانتشار المخدرات والفساد وتوعيه الشباب بان يكون شباب مثقف وواعى وعدم الاستسلام لمحاولت الخارجيه اللى عوزانا نكون دائما مغيبين ....كنت عاوزه اتكلم عن فلسفه الحياه كلها فى كل المجالات المختلفه ومش حقول عشان خلق مجتمع مثالى ولكن محاولات للرقى بالفكر وتعاملات البشر مع بعضهم بعيدا عن الشتائم التى اصبحت الناس بتتفن فيها سواء بالتهريج مع بعض او بالسب. بمعنى.... خلق مجتمع مثقف وغير مغيب وعارف كيف يقى نفسه من محاولات اعدائه المدسوسه فى فى اشياء خداعه

اتمنيت عندما اختار شريك حياتى يكون حاله مختلفه ولست اعنى المثاليه لانى انا ايضا عندى عيوب وممكن يكون فيه عيوب وميلفتشى نظر اى حد... لكن مختلف فى فكره ويجذبنى ويخطف قلبى تكون لغتنا فى الحياه وفلسفتنا واحده حتى ولو اختلفت ارائنا ويختارنى ليس لانه وزن صفاتى مع غيرى فطبت الكافه بتاعتى ولكن ....لامتزاج افكارنا وروحنا وليس عنده بدائل فى الاختيار وعمرى مافكرت انى افرح بلبس الدبله لكن....... الاهم الاسم المحفور عليها وماذا يعنى لى

ثانيا خمسة احلام فى المستقبل

أولا : ازور الكعبه واحج وانى استطيع ان احفظ القران كله واحفظه لاولادى واستمر على القراءه الدائمه للقران الكريم

ثانيا : نفسى جدا ومن زمان وامنيه مؤجله دائما لعدم وجود مساحه وقت ليها انى اتعلم عزف بيانو او عمل درسات حره فى الموسيقى خصوصا الموسيقى العالميه والغربيه لانى بميل ليها اكتر واتعودت اسمعها اكتر من العربى ولكن بحب واتذوق الموسيقى العربى ايضا وانى امتلك لو سمحت يعنى الماديات بيانو كبير فى منزلى حتى ولو مش اتعلمت العزف لانه شكله حيكون ديكور جميل وايضا عشان اعلم عليه اولادى فى المستقبل

ثالثا :الامومه بكل مراحلها لكن بشرط الاختيار الصحيح والمناسب اولا لشريك الحياه وان لم اجد هذا الشرط ساتنازل عن هذا الحلم لانى مش حجوز لمجرد ان اكون ام

رابعا : ان تكون ماده الدين ماده اساسيه وداخله فى المجموع عشان الطلاب يهتموا بمذاكرتها وان مش اى حد يكون مدرس لازم يتعمل له اختبار هل يصلح مدرس ولا لا بمعايير محدده وان تقل الدروس الخصوصيه وتكون فى حاله الاحتياج للمساعده فقط وليس التلقين خصوصا الاطفال اللى لسه صغيرين وبياخدوا دروس وبيتعودوا عليها وبكده بنقتل قدرتهم العقليه فى التفكير مع انى كنت باخد دروس خصوصيه لكن مش بالشكل المنتشر الايام ديه اوى وكنت بكون حزينه لما بحتاج درس خصوصى وانا ضد الدرو س الخصوصيه ليس من وجه نظر الاموال اللى بتدفع ولكن عشان التلقين والطلبه يتخرجوا مش بيفهموا حاجه وان تكون الدراسه الجامعيه اكترها ابحاث وليس مذاكره من الكتب للمساعده فى خلق شخصيه وفكر المتخرجين. وان المسلمين يعرفوا دينهم كويس ومحدش يقدر يلعب فى دماغهم ويتعاملوا بما يرضى الله فى تعاملتهم معا
خامسا : ان ربنا يخلى ليا بابا وماما ويديهم الصحه وطوله العمر . وان تحرر كل الدول الاسلاميه من الاحتلال وتنعم بالحريه سواءفلسطين والعراق وكل الدول الاسلاميه المحتله وان نكون مسلمين حقا فى عبادتنا واقولنا وافعالنا

وفى حلم خاص جدا لصديقتى الغاليه فاتيما وهو ان يرجع ابنها يوسف الى حضنها الدافىء ومش يبعد عنه طول العمر بقول يارب

شخصيتين متواجدين فى حياتى وكنت اتمنى وجودهم
بابا وماما ربنا يخليهم لى دائما
شخصيتين غير متواجدين واتمنى وجودهم
بصراحه .....مش عارفه اجاوب على هذا السؤال


واخيرا دى كلها احلام ومش كلها حقائق فى حياتى ولكن حاجات وامنيات وافكار بتمناها


امرر التاج الى


جسر الحياه صديقتى فى الحياه جمعتنا الصدفه الجميله ان نعمل فى مكان واحد فكان صدفه جميله ان اتعرف على هذه الانسانه الجميله والمميزه وقربنا جدا من بعض رغم قصر الفتره لاننا فينا معانى كتير متشابهه والان سعيده بوجودها معى فى عالم التدوين


الوردتين الجميلتين والرقيقتين اللى لسه بيتفتحوا والصديقتان....سنووايت وشهرا زاد بحس انى كانى اعرفهم مش عارفه ليه واخيرا شفت شهر زاد واتمنى اشوف سنووايت قريبا وانا كتبتهم الاتنين فى نفس السطر عشان بحب صداقتهم معا وربنا يديم بينهم الصداقه ومش عاوزه افرق بينهم حتى ولو فى كتابتهم فى سطور متتاليه


مكان فى القلب لروشا القلب الكبير اللى بيضم المدونين ورفيقتى فى حضور ندوات ساقيه الصاوىو رغم ان عندها بيت واولاد لكن لما بكلمها واقولها على ندوه بتجذبنى وتجذبها بتفضى نفسها ونحضرها معا ودائما بتنورنا فى تجمعات المدونين


مصطفى الحسينى صاحب مدونة صاحب البوابه شخصيه مميزه جدا وعميقه جدا ومثقفه جدا وبيكتب فى كلام كبير ومهم بعتز بعرفته وبالحديث معه فى تجمعات المدونين وصاحب الحلم الجميل لدار الكتاب على النت وبيحلم ان يكون الكتاب فى يد كل البشر مثل رغيف الخبز وانا بهديله التاج وعندى احساس انه معندوش وقت يجاوبه كالعاده بس مش كان ينفع انى اكون بهدى التاج ومش اذكره وبعذره لسفره الكتير وانشغلاته واهتمامته المختلفه فى الحياه اللى بتخليه دائما مش فاضى و حتى مش بيرد على التعليقات فى مدونته


مندهش اخى العزيز صاحب مدونه رساله من تحت الماء انا اهديته التاج اللى فات وبهديله التاج مره اخرى مع ان دا مخالف لشروط الاهداء لكن السبب رخامه عشان هو كان مضايق جدا من التاج اللى فات مع ان المفروض يفرح لان لما حد يهدى له تاج بيكون دليل على المعزه ومش كان عارف يكتب ايه ولما اهداه لخمسه مش كتب اسباب الاهداءو لخصهم فى كلمه واحده ان السبب رخامه عشان كده ورخامه على رخامه يا على انا بهديك تاج تانى واياك مش تجاوب عليه


وبهدى التاج لاى حد يتقبل اهدائى له من زائرى نبضات العزاز جدا للاجابه عليه يعتبرنى اهدته له

نبضـــــات









84 comments:

فاتيما said...

نبوضة
أحلامك فيها تشابه كبير مع احلام إيمان شخابيط
عشان كدا الصداقة توطدت بينكو بسرعة شديدة - أمسك الخشب -
أحلام كلها براءة و طفولة
و كمان أنوثة
الباليرينا بتحسسنى بالرقة و الأنوثة الهادئة ....
اما احلامك الحالية فأغلبها إن لم يكن كلها أحلام فيها إيثار و رغبة فى الخير للآخرين أكتر من نفسك إنتى
يعنى مطلبتيش حاجات كتير لنفسك يا حبيبتى
دانتى طيبة قوى قوى
يا بنتى أطلبى و كترى فى الطلبات
دا تاج الأحلااااام
يعنى حاجة ببلاش كدا
موش عاوزة حاجة تنى متشكرة ؟؟
طيييييب
تعيشى و تحلمى يا ستى
و تعيشى و تشوفى الحلم حقيقة
تحياتى يا عرافتى الساحرة

إيمان said...

صديقتى الغالية نبضات ...اللى بجد حاسة اننا هتربط بينا صداقة جميلة إن شاء الله وأنا بقولك أهو لو ناقشت الرسالة بتاعتى هدعيكى عشان تنورينى واشوفك...

أحلامك كلها برد وسلام وشعرت انها أديتنى سكينة وراحة ...حتى أحلامك الخاصة فهى للناس....ربنا يارب يا نبضات يديكى ويصلح بيكى أمر المسلمين

فعلا أحنا متشابهين فى الاحلام انا كمان بحب البالية وخاصة الشوز والفستان جدا
وكنتى نفسى لو كانت تسمح ظروفى اجيب حذاء باليرنا....
والباينو كنت بعشقه وانا صغيرة دلوقتى يمكن تراجع الحلم شوية وعلى أدى فى الموسيقى مش زيك حد متذوق

وربنا يوعدك بإبن الحلال أو مستر رايت زى ما بنقول أنا وأخواتى اللهم أمين وإن شاء الله أتذكرك فى دعائى أن يمنحكى ما يحب الله ويرضى....

وكل الشكر على استجابتك الرائعة فى إجابة تاج الاحلام....وربنا يديم ما بينا من مودة ويجعلنا من المتحبين فيه

تحياتى ومودتى

احساس لسه حى said...

عزيزتى

احلامك فى الماضى كانت احلام بشغل معين وعمل معين

يمكن البرينة حلم ملائكى شويه لانى وانا صغير كنت بشوفهم زى الملايكة وهم بيرقصوا

وحلم الطبيبة اللى بتكون طبيبة انسانة ده قبل ما نعرف قيمة الفلوس ونحبها ونجرى وراها

وبرضوا الدكتورة النفسية احساس برئ جوانا باننا لازم نحل مشاكل الناس ونعرف اللى بيوجعهم من غير ما يقولوا

والصحافة حلم بالفروسية والدفاع عن كل شئ الدين الوطن الناس....حاجات كتيرة قوى


الحلم الخامس ده اهمهم بقه لان الرجل من اهم الاشياء التى تهم اى امراه وممكن تتخلى علشانه عن اى حلم


الاحلام المستقبلية

اولا

حلم جميل اتمننى احققه بس مش بسعى اليه اتمنا احاول احفظ القران

ثانيا

حلم سهل التحقق لانه بدل حلم لازم توجديله الوقت

ثالثا

الامومه حلم اظن يمكن علشانه التنازل عن شروط كثيرة فى اختيار الزوج
الاولاد تستاهل وبتعوض هذا التنازل

رابعا

اظن غير مستحسن تكون ماده اساسية لان الدين معامله وتعامل مش حفظ كلمات فقط واكيد اللعب فى الدماغ ده شغال على ودنه بس ربنا ادانا عقل وهيحاسبنا علشان عقلنا

خامسا

كل امنياتك دى بتمناها اميين

الشخصيين

ربنا يخلهملك

الغير متواجدين

انتى اجبتى عليهم

زوج وطفل

معلش ان تعليقى طويل

تحياتى

سلام

.:.-=- ELGaZaLy-=-.:. said...

أحيانا اخرى كنت اتمنى اكون دكتوره نفسيه اسمع كتيررر لهموم البشر واحاول انى اساعدهم على قد مااقدر واكون بداخلى افكار مختلفه عن انماط شخصيات البشر وفى نفس الوقت اتامل اختلافات الشخصيات وطبعا دا كان حيساعدنى كتير فى انى حفهم شخصيات الناس اللى بتعامل معاهم وبالتالى مش حكون ساذجه احيانا فى حكمى على الناس او حرسم صوره فى خيالى لشخصيات واكتشف انها غير حقيقيه وانهم خلاف مارسمت وحعالج نفسى من العصبيه والحساسيه المفرطه واحاول اتقبل واتعامل مع مختلف انماط الشخصيه وحعرف افهم اكتر فى اعماق النفس البشريه
0000000000000000000000000000

ياجدعان الموضوع مش حلو كدة اى نفس بتغوصى فيها بتسيب فيكى اثر ما يعلم بية الا ربنا

---------------------------

اجابتك حلوة اوى اوى...انا غصت بقى فى اعماق كلماتك...

لانى درست علم نفس
ابتسامة شريرة ...

بجد اجباتك حلوة اوى اوى يا نضبات ..

سعدت بقراءة ما بين سطورك وسطورك

Unknown said...

صباح عندليبى لاتنمتى الحبيبة :)

سبحان الله التاج ده جالى برده و لسة مترددة اجاوب عليه

لكن احييك انك تشجعتى لكتابته بهذه التلقائية

الجديد عليا فى هذه الأحلام موضوع الصحافة أول مرة اعرف انك حلمتى تكونى صحفية يعنى ظهر بينا شئ مشترك جديد فوق الحاجات الكتير المشتركة بينا

حلم طبيبة نفسية ده مقنع اوى لشخصيتك لانك فعلا بتسمعى الى قدامك بتمعن و تحاول تحللى كلامه و تصرفاته و ده كان اول ما جذبنى ليكى فى بداية تعرفنا كنت ايامها مش لاقية حد يسمعنى و انتى كنتى بتسمعنى و بتصبرى من غير ما تزهقى

تصدقى نفس السؤال الاخير الى انتى معرفتيش تردى عليه انا برده لما قريته مش اعرف اكتب فيه ايه ؟؟؟ يمكن عشان مفيش حد اصلا
ههههههههه

حلم ان مادة الدين يبقى مادة اساسية حلم ينم عن شخصية متدينة ذات نظرة ثاقبة لبناءها فى المستقبل و الحقيقة يا ريت كلنا نتمنى يتحقق الحلم ده

الحلم باه الى متاكدة انه كان استحالة يتحقق معاكى هو انك تكونى بليرينة دة

عشان لبسهم يعنى
ههههههههه

تحياتى

نبضات said...

فاتيما
على فكره يافتيما ان زودت حلم اخر مستقبلى خطر على بالى وانا نايمه على المخده امبارح وقلت ازاى نسيته ياريت ترجعى للبوست وتقريه

التشابه بينى وبين ايمان دا حقيقه انا كمان حسيت كده وانا بقرا اجابتها فى التاج اللى فات واللى قبله وحسيته قبل كده لما كنت بتصفح مدونتها بحس انها بتكتب حاجات بتعبر عنى وفعلا انا نفسى جد اكون انا وإيمان اصحاب مثل صداقتى بيكى يافتيما وبدكتور زين

مش دايما بكون طيبه ومش تاخدى مقلب فيا دى احلام يافتيما مش حاجات عملتها لكن مرت فى خيالى واتمنيتها ممكن فعلا انا بفكر فى الحوليا اكتر من نفسى لكن مش تقلقى برده بكون نرجسيه احيانا وبفكر فى نفسى ولو كان مساحه الاحلام اوسع من كده فى التاج كنت كتبت احلامى الشخصيه واولها انى انجح فى امتحانات الدرسات العليا اللى عجنه فيها ديه وحلمى انى اسافر رحله للاقصر واسوان فى الشتاء وانى ازور مدينه فيينا واستمتع بالموسيقى والطبيعه هناك وحلمى انى اتعلم الطبيخ والحاجات ديه بقه لكن... انا كتبت اقرب حاجات لقلبى ومن غير ترتيب فى التفكير بصراحه شديده
لكن مقدرشى انكر ان احلامى فى الدنيا متواضعه جدا وبسيطه لكن كتيره ولكن احلامى فى الاخره عريضه جدا

تحياتى
قلب بيحبك وبيحب يوسف

نبضات said...

أيمان الرقيقه وصديقتى المستقبليه
بجد يارب ياايمان تربطنا هذه الصداقه انتى شخصيه جميله بتمنى اصاحبها من زمان واقرب منها اكتر لو نقشتى الرساله اكيد اكيد حفضى نفسى واجيلك باذن الله دا شرف ليا انى اكون مشاركاكى هذه اللحظات الجميله وباذن الله اجيلك قبل معاد المناقشه عشان لو احتجتى منى اى خدمه يافندم. دا على اساس ان احنا اصحاب مقربين ومش اصحاب وبس ويارب دايما متميزه وناجحه ياايمان

انا بحس من زمان بتقرابنا سواء فى تعليقاتك فى غير مدوناتك او فى كتاباتك فى مدونتك والاكتر بقه اجاباتك للتاج اى حد بيسمع موسيقى يبقى متذوق وانا مش حاجه جامده اوى فى التذوق ولكن مادام بستمتعى بالمسيقى وبتميزى مابينها تبقى بتتذوقيها كفايه انك عاوزه تتعلمى بيانو دا دليل قوى جدا على تذوقك للموسيقى

اشكرك على دعواتك الجميله ويارب انتى كمان ياايمان ونعرف بقه ازوجنا على بعض ونتزاور بعد الجواز

لكن انا نفسى اسال سؤال ؟؟؟

مين مستر رايت دا اول مره اسمع عنه انا ماما دايما تقولى لسه ماتولدشى اللى حيعجبك وياترى فى اى ارضا ممكن يكون

انا اللى اشكرك انك اختارانى لمن تهديهم التاج دا شرف ليا ومش كنت اقدر اتاخر عن تقبل الهديه الرقيقه ديه منك

والى لقاء قريب ان شاء الله على ارض الواقع

تحياتى ومحبتى

نبضات said...

أحساس لسه حى
مش دايما بيكون الراجل اهم حلم بالنسبه للمرأه ولا ديما ممكن الوأه تتخلى عن اى حلم من اجل الرجل هناك يافندم فرررروق فرديه فى شخصيات المرأه

لا انكر انى لم اسعى إلى الان لتحقيقه لكنه حلم وهو حفظى للقران اتمنى ان اسعى لتحقيقه وان شاء الله احاول

ازمه الوقت هيا المشكله الكبيره التى من الصعب ان تجد لها حل بسهوله خصوصا مع العمل + الحصول على الدرسات العليا
مش مقتنعه بكره الجواز من اجل الامومه معلشى دماغى نشفه اوى فى سماع نصايح فى هذا الموضوع

لا طبعا الدنيا حتختلف لما تكون الدين ماده اساسيه صحيح الدين معامله لكن لما تكون اساسيه حتجبر الطلاب انهم يقرئوا فى دينهم مش يحفظوا ولو حتى حفظوا اكيد حيعود عليهم بشىء من النفع مش يكونوا مسلمين ومعلوماتهم الدينيه سطحيه
ماده الدين ديه ممكن تؤثر كتير فى انخفاض معدل الانحرافات والمخدرات وحاجات كتير يتعرض لها الشباب لعدم الاهتمام بماده الدين ولكن مش قصدى انها الاساس اكيد التنشئه الدينيه فى البيت لها عامل ومايضيفه الانسان لنفسه طوال فترات عمره له تاثير لكن على الاقل يعرف حاجه عن دينه وليس يفتح ماده الدين يوم الامتحان
عموما الاختلاف فى الراىء لايفسد للود قضيه


اشكرك على امنياتك الرقيقه وعلى تعليقك على كل جزئيه

تحياتى

نبضات said...

الغزالى
اى نفس بتغوصى فيها بتسيب فيكى اثر ما يعلم بية الا ربنا

ليه ؟!! انا بغوص فى كل الشخصيات اللى بتعامل معها فى الحياه ومش بيسيب جوايا اثر فظيع كده يمكن تقصد لما بتغوص فى شخصيه انسانه حتشاركك حياتك القادمه ممكن بس بيكون مش عشان تعمقت فى شخصيتها ولكن عشان بتكون بتتعمق بكل مشاعرك وعقلك وبكل كيانك ومتخوف من نتيجه التعمق .. فااكيد لازم تسيب اثر مايعلم بيه الاربنا دى حاله خاصه

على فكره انا قريت برده فى كتب العلم النفس مع انى كنت علمى فى ثانوى بس قرات كتب استعارتها من المكتابات واخدت فكره برده

شكرا على مدحك فى اجاباتى وسعيده جدا انك غوصت فى كلماتى بس يارب مش تكون تهت من تناقضاتها

وكنت حكون سعيده اكتر لو كنت كتبت انطباعك بعد التعمق فى كلماتى مهما كان مش شرط يكون مدح ممكن اظهار عيوب استفيد منها او نصائح عموماانا بقبل الانتقادات بكل الحب والابتسامه وبحاول دائما جاهده على تغير على قد مااقدر من عيوبى

ابتسامه شريره

اشكرك للمره التانيه على مدحك فى اجاباتى وانا كنت متخوفه جدا انها تكون متكلفه او مبالغ فيها او عبيطه وجميل جداااا انك قراتى سطورى ومابين سطورى انت كده اثبت انك بتعرف فى علم النفس لانى برده بعرف اقرا اللى بين السطور سواء فى قراءه الجرائد او فى اى قراءه من قرئاتى وعلى فكره انا لسه كاتبه جملتك ديه فى التعليق على التاج لاحد صديقاتى فى التدوين لان اجابات التاج بتكون فعلا فرصه جيده لقراه مابين السطور ومالم تكتبه الانامل

تحياتى

نبضات said...

عاليا حليم
صباح معطر بالورد والياسمين ياحبى
صباح العندليب

كويس فرصه بقه تتشجعى وتجاوبى مره واحده كل التاجات المراكماها عندك فى مخزن المدونه جمدى قلبك وادخلى جاوبى
الموضوع مش صعب قولى اللى جواكى وزى ماتيجى تيجى اجمل حاجه فى التاج انك ماتفكريش وتكتبى اللى يجى على بالك عارفه ...حتكتشفى نفسك من زاويه جديده ويسلام بقه لو قولتى على مفاجات فى شخصيتك لايعرفها اصحابك فى التدوين طبعا مش انا انا عارفه عنك كل حاجه

سعيده ان اجاباتى كانت تلاقائيه عارفه التاج دا بالذات كنت خايفه افتقد التلقائيه عشان الكلام كبير وعميق شويه

يمكن عشان مافيش حد ويمكن لانه صعب يتجاوب عليه او محتاج عمق فى التفكير لاجابته المشكله كمان انه السؤل الاخير كان الواحد تعب يمكن لو كان السؤل الاول واجبارى يعنى عليه درجات كتير كنا فكرنا بعمق فى اجابته

اه بالنبه لموضوع الصحافه دا طيف او حلم لم اسعى لتحيقه لضعف اسلوبى الفظيع لكن كل الاحلام الماضيه ديه كنت بحلمها فى الثانويه العامه ولكن لم اسعى لتحقيقها كانت اطياف احلام بتجيلى وانا بفكر ممكن اكون ايه فى الحياه ومنها الصحافه لانى بحبها جدا من زمان عشان اقدر اعبر عن افكار واعبر عن الناس بصوره اكثر مصداقيه وأؤثر فى البشر واتفاعل معهم اكتر

بالنسبه لماده الدين انها تكون اساسيه سعيده انك بتشاركنى هذا الحلم

حلم البلرينه دا كان حلم وانا صغيره جدا لما كنت مش مدركه انه لبسها يخالف زينا الاسلامى عشان كده كتبته فى الاول لانه اول احلامى وانا صغيره كان ذلك الحلم ولكن الان اكتفى بالمشاهده فقط لعروض الباليه وتاملهم بدون ان احلمه اكيد

عموما سعيده بمرورك الجميل اليوم عندى وبتغريدك الجميل عند فاتيما شوفت تعليقك وعجبنى اوى ياعاليا وسعيده ببدىء صداقتك بافتيما لانها شخص جميل جدا

تحياتى
ووحشتنى

doctor mohamad said...

عميقه .. مش سطحية .. دى الفكرة اللى نطت ف ذهنى بعد قراءتى لإجاباتك ع البوست. يمكن ده اللى بيخلينى أتابع المدونة هنا باستمرار _ أنا ما أقصدش إنى أكيل المدح و خلاص _ لأ _ لكن دا حتى ف إهدائك للتاج بتوصفى و تشرحى أسباب إهدائك.. حتى فى تعليقاتك أو ردك على التعليقات _ بجد "أنتى _ككلماتك_ عميقه" .. ربما يكون العمق مفتاح شخصيتك أو لا يكون _ و أنا من أنا حتى أدعى المعرفة _ و لكن ع الأقل هذا ما أراه بل و أفتش عنه بين أفواااج المدونين .. ده أولا_ _ _ أما ثانيا: فحلم الأمومة أعجبتنى فكرتك عنه عندما قرنتيه _ببساطة_ بالإختيار الصحيح و المناسب.. و إلا لضاع الحلمين معا.. الأم و الزوجة_ _ _ ثالثا: شئ غريب و رائع بجد.. إنك فى خضم أحلامك تتذكرى صديقتك و حلمها و تذكريه ضمن أحلامك.. هنيئا لفاتيما بصداقتك و رد لها الله إبنها سالما على ما تحب و ترضى ...نبضات:ممكن أضيف سؤال للتاج لو أذنتى؟.. شخصين ظهروا ف حياتك الأن و كنتى تتمنى ظهورهم قبل الأن؟؟.. معلش سؤال كمان بقى علشان لو رفضتى ترفضيهم مع بعض و الأمر إليكى.. أشخاص متواجدين ف حياتك كنتى تتمنى عدم ظهورهم فيها؟ ...و ف النهاية.. ربنا يحقق لك كل أمنياتك و يخلى لك الوالد و الوالدة .

شهرزاد said...

يااه يا نبوضة مش قادرة اقولك قد ايه أحلامك كتير منها شبه أحلامي
وعلى فكرة فعلا كنتي تنفعي بالرينة عشان انتي رقيقة زي النسمة
وإن لم تتحقق أحلام الماضي
أتمنى أن تتحقق كل أحلامك المستقبلية
وتكتبي عنها كونها حقيقة يوماً ما لا حلم
كثير من الأحلام تحتاج عزم أكثر من التخيل والحلم
دمتي بكل الود
شكرا جزيلا على هذه الكلمات الرقيقة ،وان شاء الله يشرفني إني ارد على التاج بتاعك بعد البوست القادم لي
كفاية انه منس يدة القلوب نبضات :)

ادم المصرى said...

مش عارف اقول او اعلق ايه وصت التعليقات الجميله دى كولها قلتو كل الى كان لازم يتقال بوست هائل جدا ونقاش جميل اوى واحساس عالى والفه جميله بنكو بارك الله فيكو اتمنا زيارتى فى بلجتى من الجميع لئنو شرف ليا التعرف عليكم تقبلو تحياتى

نبضات said...

د/ محمد
بصراحه التعليق قراته اكتر من مره لانه عجبنى جدا ليس لانه مدح فيا وفى مدونتى على قد ماهو تعليق عميق وجميل جدا اشكرك عليه وعلى كلماته وافكاره المميزه وفيه كمان اسئله جديده للتاج او بمعنى اخر تعمق اكتر فى شخصيه مدونتى نبضات وطريقه عرض الاسئله عجبتنى وطبعا انت متاكد انى حجاوب الاسئله لانك اولا عرضها باسلوب جميل ولبق وعشان انت عرفت تتوصل لاحد مفاتيح شخصيتى الهامه وهو الاهتمام بالعمق فى كل حاجه وفى النظر للبشر عشان كده اكيد فهمت ايضا انى حجاوب اسئلتك اكيد

انا فعلا بهتم بالعمق قى حياتى وفى التدوين وبتعجبنى المدونات العميقه والبعيده عن السطحيه وبحاول دائما استكشفها وعلى فكره فى ناس فى التدوين أيضا مدونتهم عميقه وممكن كمان احسن منى لانى ينققصنى الاسلوب فى الكتابه لانى اول مره اكتب فى حياتى
واخص باذكر... مدونة تسابيح لكاتبها دكتور زين عبد الهادى (أبوللو ) ستجده عندى معلق فى البوست السابق هذه المدونه مميزه وعميقه وفلسفيه
وانا معجبه بيها جداااااااااا
لكن ...سعيده ان مدونه نبضات كسبت قارىء دائم وعميق مثلك واتمنى ان اكون عند حسن ظنك فى كتاباتى ومش تكون بانى صوره كبيره فى خيالك عن مدونتى بعدين تتصدم فى موضوعاتى انا بهتم بالعمق والتفاصيل الصغيره اللى ممكن ناس كتير مش بتاخد بالها منها لكن مش كاتبه يعنى مجرد معبره عن افكار مؤمنه بيها

شخصين ظهروا فى حياتى الأن و كنتى أتتمنى ظهورهم قبل الأن؟

مدونتى نبضات لو سمحت لى انى اعتبارها شخص قريب منى اوى بعرف اتكلم معه فى اى حاجه وفى اى موضوع وبكون سعيده فى كلامى معاها لان دخولى التدوين اجمل حاجه حصلت ليا فى حياتى

أصدقائى فى التدوين دكتور زين وفاتيما وايمان اللى معرفهومشى الا عن طريق التدوين ماعدا فاتيما شفتها مره واحده وسعيده جدا بظهورهم فى حياتى وكنت بجد اتمنى اعرفهم من زمان لانهم قريبين اوى من قلبى وفكرى وكل الناس المحترمه وذات الفكر العميق اللى اتعرفت عليها سواء من خلال التدوين ومدونتهم أوشفتهم فى تجمعات المدونين
واستمتعت بالحديث معهم لتميز شخصيتهم وافكارهم عن العادى من الناس

أشخاص متواجدين فى حياتى كنت اتمنى عدم ظهورهم
فى شخص كان متواجد فى حياتى لكن خرجته منها لسه قريب فعلا والحمد لله قبل مالبس دبلته كنت اتمنى عدم ظهوره فى حياتى هو كان زميلى فى الدرسات العليا وتقدم لى وكنت حاسه ان احنا متقاربين فى الفكر والثقافه لكن اكتشفت ان احنا مختلفين تماما لانه باختصار سطحى جدا وبيتكلم كتير بلغه الفلوس ومكنشى فاهم شخصيتى ولا عاوز يفهمها وعاوز يحبنى ويتجوزنى وبس رغم انه اكثر ثقافه منى لكن هو شخص محترم جدا بكن له كل احترام وبتمنى ربنا يسعده ونتيجه لذلك ورغم رغبتى القويه فى التفوق اول مادخلت الدرسات العليا ذاكرت متاخر بعد ماخلصت الموضوع وبصعوبه وتوابعه وبالتالى عكيت جامد فى الامتحانات واحتمال كبير ارسب ...بجد ندمانه انى دخلته حياتى مع احترامى لشخصه الكويس

واى شخصيه ممكن اقابلها واحترمها وادخلها حياتى وبعدين احس انها مش تستحق انها تكون فى حياتى وانى كنت راسمه صوره لها فى خيالى مختلفه عن الواقع او اى شخصيه بتعامل معها وهيا لابسه ماسك بتختبىء به عن شخصيتها الحقيقيه ....وبس

اى خدمه يافندم اجابات بمنتهى الصدق والشفافيه والتلقائيه بدون تفكييير


تحياتى
سعيده بمعرفتك

نبضات said...

شهر زاد
جميل ان تكون لنا احلام متشابه واعتقد ان احلامنا اكثر تشابها فى حلم الطبيبه صح وانا سعيده جدا بمعرفتك وانى شفتك وبدعيلك على طول بالنجاح والتفوق
الاحلام فعلا لازم يدعمها الاراده لكى تتحق لكن احلام الماضيه ديه كانت اطياف احلام فى مرحله الثانويه العامه وانا بفكر ممكن اكون ايه فى الدنيا وايه الدور المناسب ليا فى الحياه
طبعااا معدا حلم الارتباط كما وصفته هو حلمى فى الماضى والحاضر والمستقبل

احلام المستقبليه بجد يارب تتحق وفعلا هيا ديه اللى محتاجه اراده حتى لاتكون مجرد احلام دا بالنسبه للخاص بيا اما بخصوص بابا وماما فانا دائما ادعى لهم فى صلاتى وللمسلمين ولحلم فاتيما وبقول يارب

شكرا على كلماتك الجميله والرقيقه وانا فى انتظار اجابتك للتاج فى اى وقت واجابه سنووايت انا حاولت ادخل مدونتها بس بتقفل معايا مش عارفه فيه ايه لكن ححاول مره اخرى لهدائها التاج عاوزه اعرف عنكم زوايا جديده فى شخصيتكم ياوردتين التدوين

تحياتى

نبضات said...

ادم المصرى
شكرا على كلماتك وان شاء الله ازورك قريبا وبدعوا كل زائرى مدونتى لزيارتك واستكشاف مدونتك

تحياتى

Unknown said...

غاليتى انا بحضرلك دلوقتى فى مفاجاة ارجوا انها تعجبك

و تقوليلى رأيك بصراحة

تحياتى

نبضات said...

عاليا حليم
خير ياعاليا .....خضتينى ....طيب مفاجاه فى التدوين ولا فى الواقع
انا متشوقه جدا لمعرفتهااااااا

تحياتى

نبضات said...

عاليا حليم
اللون الروز جميل جدا لكن استاذنك بلاش الورد الكبير لانه يتناقض مع روح مدونه نبضات البسيطه

تحياتى

نبضات said...

عاليا حليم
بجد بشكرك بس بلاش ولكم وبلاش القلب والبنت اللى فوق انا مش عاوزه عناصر ابهار فى مدونتى عاوزها بسيطه كلماتها هيا تكون عنصر الجذب الوحيد بصى تنا عجبنى اللون الروز الجديد وكفايه ...اشكرك او اى حاجه بسيطه جدا مش عاوزه حاجات كتيره

تحياتى
اشكرك ياحبى

ذو النون المصري said...

لا اعتقد ان فيه احد لم يتمني امنية طبيب ففي الغالب الاهل يحفزون الطفل علي هذه الامنيه
او امنيات اخي مماثله كمهندس مثلا
بالنسبه للتاج انا من مده مجاوبتش علي تاجات فممكن اجاوب عليه في اقرب فرصه

MONDAHESH said...

جميل قوي موضوع دكتورة نفسية

اعتقد انك بتمارسيها

:))

بس انتي بتطلعي عيني كده

ايه قاعدة اطلاق التاجات اللي هلت علي نبضات دي

ومش بتضرب غير رسالة من تحت الماء

احذرك أن لن تسلمي من تاجاتي مستقبلا

:)))

تحياتي

Doaa Ebrahim Aaql said...

جميلتى نبضات
الإنسانه الجميلة الرقيقة فى الواقع
وكذلك فى عالم التدوين

كم هى جميلة احلامك
ويسعدنى ان بيننا احلاماً مشتركه

تحياتى لكِ ايتها الرقيقة

§a§a said...

جميل جدا الاحلام

والاجمل انها تتحقق

ومشاء الله احلامك جميله سواء فى الماضى او المستقبل
وان شاء الله تحققى ما تريدين تحقيقه بإذن الله

تحياتى

سنووايت said...

اولا
حمدلله علي السلامة كان بقالك كتير اوي ما نزلتيش حاجة جديدة
ثانيا
باعتذر عن التأخير في الرد
بس انتي نزلتي البوست امتي انا كنت لسة هنا :)
ثالثا
من تعليقاتك كنت باحس انك كائن رقيق وجميل اوي من جواه
واتأكدت من اجاباتك علي التاج
باليرينة وطبيبة ودكتورة نفسية وبيانو
كلها حاجات بتقول اد ايه انتي حد رقيق اوي

وحد محترم اوي من كلامك الباقي

رابعا
بجد باشكرك اوي علي كلامك عني وعن شهرزاد ورغم انك ما شفتينيش باحس انك فعلا تعرفيني , وكفاية كلام شهرزاد عنك , وباشكرك علي التاج , علي فكرة هو وصلني قبل كدة بس ما عرفتش اجاوب عليه لحد دلوقتي بس ان شاء الله اقدر اجاوب عليه قريب

ربنا يوفقك ويحققلك احلامك الجميلة كلها ياااااارب
ويارب اشوفك قريب اوي علشان نبقي عارفين بعض بجد :)

•√أريـ السمر ـج√• said...

رقيقة و جميلة احلامك ككاتبتها ..

أسعدني المرور بمدونتك و قراءة كلماتك الناعمة مثلك

دمتى بكل الخير و الود

موناليزا said...

ربنا يحقق لك كل احلامك ويكتب لك زيارة بيت الله الحرام ويمن عليكى بالزوج الصالح ويعينك على حفظ القران

نبضات said...

ذو النون المصرى
اعتقد انى كاتبه فى التاج ليه كنت بحلم انى اكون طبيبه عشان هدف انسانى وليس عشان اهلى كان بيحفزونى لهذا المجال وعلى فكره انا والدى وولدتى مقتنعين ان كل واحد يختار المجال اللى بيحبه ومش كانوا بيحفزونا لاانا ولا اخواتى على دخول كليات القمه لكن وجهه نظرك ايضا صحيحه ان فى ناس كتير بتحفز اولادها لدخول هذه الكليات عموما انا لم اقصد غير حلمى بان اعلاج الفقراء اللى مش بيلاقوا اموال عشن يحصلوا على ادنى حقوقهم وهو العلاج المجانى

اما عن التاج فتقبل اهدائى اليك

تحياتى

نبضات said...

مندهش
ايه قاعدة اطلاق التاجات اللي هلت علي نبضات دى
ومش بتضرب غير رسالة من تحت الماء

عجبتنى اوى وقعدت اضحك عليها التاجات اتهديت بيهم من اصحابى الغاليين اوى فاتيما وايمان وكنت سعيده باهدائهم اما عن اهدائى لك للتاج الاول معزه والتاج التانى رخامه

وربنا يستر ومش يجيلك تاج اخر لحسن تنتقم من نبضات وتبعتهاولها.. بقول يارب

تحياتى
دائما منورنىىىى

نبضات said...

برنسيس دودو
ان كان فى حد جميل ورقيق يبقى انت ياعزيزتى سعدت جدا بالتعرف عليكى وعلى ليالى بيروت وبالدقائق اللى قضينها فى الكلام معا وسعيده ان بينا احلام مشتركه ساعات بنقابل ناس مش بنتكلم معاهم كتير بس بنحس اننا نعرفهم من قبل كده او ان فيهم حاجات منا ...وهذا كان شعورى لما قابلتك

تحياتى
تشرفت جدا بمعرفتك وبمعرفه مدونتك
والى لقاء قريب على ارض الواقع

نبضات said...

مصطفى
شكرا على كلماتك ودعواتك ان احلامى تتحقق بقول يارب . وربنا يحقق لك كل احلامك يامصطفى اللى بتحلم بيها وياريت تبلغ هدى سلامى وامنياتى لها بالنجاح والتوفيق فى الامتحانات وان تكون دائما من المتميزين وبجد مفتقده جدا تعليقاتها

سعيده جدا انى اتعرفت عليك وعليها وعلى مدونتكم الرائعه حكايات زمان
اللى تعاونكم معا بيديها شكل مميز وروح مختلفه بجد فى وسط عالم التدوين
ويارب دايما متميزين

تحياتى
دائما منورنىىىىىىى

نبضات said...

سنووايت
شكرا على كلماتك الجميله والرقيقه انتى ارق بجد ومدونتك فى منتهى الرقه
وشخص محترم جدا ودا باين من كتاباتك

فى ناس بتقرائى ليها وممكن مش تكونى شفتيها بس بتحسى كانك تعرفيها ودا شعورى ناحيتك وناحيه شهر زاد. كلامى عنكم مش فيه على فكره اى مجامله لانى مش بحب المجاملات لا فى الواقع ولا فى التدوين وانتم فعلا ورديتن جمال لسه بيتفتحوا. ربنا يخليكوا لبعض ويديم بينكم المحبه والصداقه وكان نفسى اشوفك اوى وان شاء الله نتقابل قريبا على ارض الواقع فى اى تجمع تدوينى وربنا يوفقك فى الامتحانات قلبى معاكم
على فكره كل مادخل مدونتك يظهر ليا ويندوا بيقول ان فى شىء خطا ثم تقفل المدونه مش عارفه فى ايه بس ححاول مره اخرى وانا فى انتظار اجابتك للتاج
انتى كده اتهديتى بيه مرتين دا شىء يشجعك انك تخلينا نتعرف على احلامك وعماميقك الدفينه الموضوع مش صعب اكتبى الجواكى من غير ماتفكرى او ترتبى كلامك وتيجى زى ماتيجى حتلاقى اللى جواكى اناملك خطته ...دى روشته بسيطه للاجابه على التاج


تاخرى فى الكتابه عشان سببين الاول ضيق وقتى والتانى انى مش بكتب غير لما بحس ان فى شىء بداخلى عاوزه اعبر عنه

والى لقاء قريب على ارض الواقع عشان لما نشوف بعض فى المترو نعرف بعض وقبل كده طبعا عشان اشوفك واعرفك فى الواقع ايضا


تحياتى
دائما منورانىىى

نبضات said...

فوضى الحواس
نورتى مدونتى المتواضعه ...انت عارفه لما بتشوفى حد وبعد كده بتقرئى ليه بيكون ليه كده احساس مختلف لانك بتكونى متخيلاه اكتر وانت بتقرائى سعيده بالدقائق اللى قعدنها معا وباذن الله ازور مدونتك قريبا واستكشفها واشوف مدى تطابقها مع شخصك الجميل

شكرا على كلماتك الرقيقه والهادئه مثل شخصك الذى تكلمت معه

تحياتى
دائما منورانى

نبضات said...

موناليزا
اشكرك جدا على الدعوات الجميله وبقول يارب تتحقق ويحقق لك كل احلامك وامانيكى فى الدنيا والاخره باذن الله
واشكرك على ردك الجميل على تعليقى الاخير فى مدونتك وسعيده ان تعليقى المطول عجبك ودائما مميزه فى موضوعاتك

تحياتى
دائما منورانى

إيمان said...

حبيبتى الغالية نبضات
وحشتينى...أنا لسة كنت فى مدونة فاتيما وكنت غايبة عن النت بقالى 5 ايام عشان انقطاعه ....بشكرك وممتنة أوى لأفتقادك ليا....اللى أسرنى ...وخوفونى لانك بتدينى فوق ما استحق بجد...وأعذورنى عن عدم المشاركة لانى بجد ليا ظروف بتمنعنى ...ربنا يصلح الحال وتتغير للأفضل....
المهم أنا سعيدة بسعادتكم ...

وأنا قريت ان فاتيما بتقول عنك مثالية ومشفقة عليكى من قسوة الواقع
بس هقولك اية هو ده بردو اللى جمعنا انا وانتى وفاتيما ..وعايزا اقولك إنى معاكى فى مسألة انك ميهمكيش رايك يعجب مين وبتقولى اللى بتحسيه ومقتنعة بيه....عشان نحاول يكون برانا زى جوانا على أد ما نقدر
ومرة تانية بشكرك على احساسك ومشاركتك الجميلة

تحياتى ومودتى

كلاكيت تانى وتانى said...

معقولة من زمان كدة منزلتيش بوست جديد
اشوفك السبت يا قمر وانتى شوفيلنا انا وسمر اى ندوة كدة نحضرها او حتى مواعيدها هتصل اقولك هاجى امتى
الاحلام دايما بيحققها السعى وراها وانا واثقة انك قوية وهتحققى كل احلامك
مش هتيجى الفيس بوك تشوفى الجروب بتاعى عن المطلقات
http://www.facebook.com/group.php?gid=24205381223
ولنك مدونة نعم مطلقة ولا اخجل ورا على بروفيل كلاكيت
http://motalaka-with-out-fear.blogspot.com/

نبضات said...

حبيبتى وصديقتى الغاليه
وحشتنى اوى وافتقدتك جدا ومش بديكى اكتر من حقك ...لكن دى قيمتك او اقل كمان من اللى تستحقيه بس انت اللى مش عارفه قيمة نفسك كويس

تعليقك ضحكنى لان فى لبس بسيط هو انا مش مثاليه انا انسانه عاديه جدا لكن تقريبا كده ياايمان السبعين مليون يعتقدوا انى ابحث عن انسان مثالى وطبعا دا مش حقيقى لانى ببحث عن حد يجذبنى ولو حتى فيه عيوب وممكن يكون بالنسبه للناس شخص ملىء بالعيوب
وفى التجمع النسائى للمدونات الاخير كنا بنتكلم ففاتيما اخذت هذا الانطباع عنى وانضمت للسبعين مليون مع انى مش كده خااالص

انا فعلا مش بعمل ولا بقول غير المؤمنه بيه مهما كان الموقف وكانت تبعياته لانه فعلا دا جزء من الشفافيه ولان طبيعتى كده حتى فى شغلى برده كده ومش بيهمنى اى مكاسب او فوائد تعود عليا

سعيده جدا بتعليقك وصداقتك ويارب اكون دايما عند حسن ظنك بى واكون من مستحقى شرف صداقتك

تحياتى

نبضات said...

كلاكيت تانى وتانى
نورتى المدونه وعلى فكره انا زرتك فى مدونتك بعد التجمع لكن مدونتك بتقفل معايا مش عارفه ليه

عموما ان شاء الله اشوفك انت وسمر السبت فى الساقيه حرتب مع عاليا و حنكون هناك من الساعه 11 صباحا الى 5 تقريبا شوفى الميعاد اللى يناسبك واحنا فى انتظارك وبالنسبه للندوات بتبقى متاخره الساعه 7 و8 بليل ومش محتاجه حجز واى ندوه ححساها جذابه حكلمك على الموبيل اما حفلات موسيقى عمرو خيرت هيا اللى بتحتاج الى حجز ولما يكون فى حفله برده حبلغك

الفيس بوك ماليش فيه خالص بجد لاوقتى بيسمح ومش عارفه ليه يانرمو مش بعرف اندمج مع هذا الاختراع انا اخرى المدونات

اما مدونه نعم مطلقه ولا اخجل اشكرك جدا على اللينك وسازوها قريباااا

موضوعاتى قليله عشان دايما عندى ازمه فى الوقت وكمان مش بكتب الا لما بحس انى عاوزه اعبر عن حاجه ...نورينى واشوفك السبت باذن الله انت وسمر وسلامى إلى لينا

تحياتى

عاشــــــ النقاب ـقــــة"نونو" said...

السلام عليكم حبيببتي
ربنا يحقق احلامك زي ما تتمنيها واكتر
فعلا شخصية جديرة بالاحترام
ربنا يرعاكي ويحميكي
تحياتي

كلاكيت تانى وتانى said...

يابنتى لفيت على كل المدونات البنات اجيب نمرتك ابعتيهالى فمسج مادام نمرتى معاكى من الاسماعلية للقاهرة رايح جاى عشانك ههههههه تسبميلى ياقمر انشاء الله اشوفك السبت بس أسأليلى عالا كلية فنون جميلة مفتوحة السبت ولا أجازة
اشوفك بخير

Shref said...

عزيزتي نبضات كم انا سعيد جدا لعودتي مرة اخرى لوطني و لعل هذا سبب عدم كتابتي خلال الفترة الماضية ولا اخفي عليكي شدة انبهاري فاسلوبك قد اختلف كثيرا عن اول موضوعاتك في الكتابة و كم تمنيت ان يسعني الوقت لقرائة كل الموضوعات و التعليقات لكن اعدك بذلك وانتظري تعليقاتي شكرا لكي

_ زين_ said...

حبيت أسجل تقديري
لشرف الزيارة التي منحتينا إياها
أحلامك تكشف عن شفافيتيك
استمرى
خالص محبتي

نبضات said...

nonoymm
وعليكم السلام ورحمة الله وبركاته
اشكرك على كلماتك الرقيقه ويارب اكون دائما عند حسن ظنك واحترامك لى

تحياتى

كلاكيت تانى وتانى

دائما منورانى يانرمو. ومعلشى تعبتك معايا عموما سيفى النمره عشان مش تضيع تانى لانى تليفونى مش مع ناس كتير فحيكون صعب الوصول له و عاليا قالت ليا اديكى نمرتها عشان لما تيجى الزمالك
اتمنى اشوفك قريب انتى وسمر ولما تكلمينى حديكى نمره عاليا عشان مش معايا رصيد حاليا فمش حعرف اكلمك
وعلى فكره كليه فنون جميله قافله يوم السبت

تحياتى
إلى لقاء قريب على ارض الواقع

نبضات said...

شريف
سعيده جدا بهذه المفاجأه الجميله وحمد لله على السلامه وافتقدت كتير تعليقاتك حتى ولو كانت ناقده لى وكنت خايفه تكون انسحبت ومش عاوز تعلق تانى فى مدونتى وكل مااكتب بوست صدقنى كنت بقول ياترى حشوف تعليق صديق المدونه شريف فيه ولا خلاص مش حيعلق تانى فى مدونتى

اهلا وسهلا بيك فى نبضات دائما وسعيده بشهادتك على تحسن أسلوبى دا شرف ليا يافندم خصوصا من شخصيه مش بتجامل ولا بتصفق ليا على طول ولا انكر ان الفضل فى التحسن الاسلوب يرجع الى تشجيعك وتشجيع اصدقائى المدونين لى على الكتابه وسعيده جداااا انك حتقرا موضوعاتى اللى فاتتك بجد حاجه جميله جدا انى اجد حد بيتابع موضوعاتى حتى القديمه مع انى بحس انى مش قويه فى كتابتى واتمنى تعلق ليا بالنقد او بالمدح على اللى حيعجبك. نورت مدونتى من جديد وفى انتظار التعليقات والانتقادات ههههههه وانا لسه فاكره اول تعليق ليك عندى فى المدونه
فين شخصيتك يااستاذه ؟؟؟ هههههههه

تحياتى
دائما منوووورنى

نبضات said...

أبوللو
دكتور زين

الشرف ليا يادكتور بجد كان يوم جميل جدا وكنت خايفه اكون متطفله او فضوليه لكن سعيده جدا ان شوفت حضرتك أخيرا على ارض الواقع وشخصيتك بصراحه يادكتور فوق ماتخيلت قد ايه جميله ونادره وانا سعيده جدا بالصداقه الافتراضيه اللى بينا فى التدوين وبمعرفة حضرتك على ارض الواقع كلماتك فى السمنار قد ايه كانت جميله استفدت منها كتير جدا خصوصا معنى الاخلاص فى اى شىء عشان يقدر يدينا وحاجات كتير وتمنيت انى اكون طالبه عنك لاستفيد اكتر واكتر ولكن عزائى الوحيد انى بستفيد من حضرتك من خلال مدونة تسابيح وبستمتع بتأملاتك فى الحياه ودخولك فى قلب الاشياء بعيون ميكرسكوبيه وارجوا ان حضرتك مش تتاخر علينا فى الكتابه فى تسابيح لانها شمس التدوين وأحد اسباب حبنا كلنا كمدونين لعالم التدوين ولكل من يبحث عن العمق والتأملات فى الحياه

وكنت حزعل اوى لو مكنتش يادكتور خمنت انا مين ولو مش كنت عرفت كنت حقول لحضرتك بوم تك بوم تك


تحياتى
دائما منووووووووورنى
وشاهد وحيد على حياه لايعرفها أحد

Shref said...

نبضـــــــات
بداية احسست براحة نفسية و انا استمع الى هذه الموسيقى الرائعة التي بالمدونة و احسست من جديد اننى عدت مرة اخى الى بيتي الذي اشعر فيه بالراحه ثم احترت ... بأي المواضيع أبدا ؟ و ما شعرت بيدي و هى تختار اسم غامض لموضوع في مدونتك ( قيس من زمن الحب ) نعم لقد عدتي مرة أخرى تتحدثين عن الحب ولكن في هذه المره بطريقه مختلفه و قبل ان ابداء تذكرت اخر الموضوعات التي قرئتها و هي ( أبحار فى القلب ) ولم أشك لحظه واحده بأن هذا الموضوع كان مقدمة لقصة حب وليده تحاول أن تخرج للنور ولكن ،،،، تابعت القراءة ومع أول سطر ادركت ان قصة الحب هذه لم يكتب لها النجاح فأكملت قرائتي حتى انهيت الموضوع ثم قرأت بعض التعليقات و ما لفت إنتباهي كثيرا و أدهشني هو وصفك لقيس الممتلئ بالمعاني الجميلة و النادرة و وصفك أيضا لحياتك التي شبهتيها بمغارة علي بابا ثم تجنيك على نفسك بالظالمة و القاتلة لا أنكر ان هذا الإنسان يستحق منا أن نقف بجانبة و لكن في ذات الوقت يجب علينا انلا نشير إليك بأصابع الإتهام فالحياة تجارب و التجارب قد تكون ناجحة او فاشلة و عندما تفشل تجربة لا يعنى هذا توقف الحياه فهي مستمرة أو أن ندين أنفسنا أو نتجنى عليها مادام ليس هناك سوء نيه أو قصد خاصة انه يعلم من بدايه الطريق أنها تجربة ،،، أعلم جيدا و أشعر بما شعرت به من فقدك لهذا الإنسان الرائع و لكن الزواج مبني على التفاهم و الحب فكليهما مطلوب لإستمرار الحيا ة .

نبضات said...

شريف
سعيده بعودت تعليقاتك مره اخرى وان موسيقى المدونه عجبتك وهى من المقطوعات الموسيقيه التى اعاد توزيعها الموسيقار عمرو خيرت
مش عارفه اقولك ايه على احساسك الصادق فعلا ابحار فى بحر القلب كان فى وقت انسان عاوز يدخل حياتى فيه وكنت متردده لان كان فيه صفات نادره ظللت ابحث عنها طوال حياتى ولكنى لم اشعر معه بالسعاده وكنت اشعر ان شىء ينقصنى لذلك كنت بسال احنا بنحب الصفات ولا الحب مش ليه سبب حتى ولو انسان مختلف معنا تماما المهم انه كان انسان مرهف الحس وكنت انا الانسانه الوحيده التى اختارها ودخلها حياته كان زميلى ثم اكتشفت قبل الخطبه ان هذه الشخصيه رغم ثقافتها سطحيه جدا ودائما تنظر للقشره الخارجيه للاشياء وفى حكمها للناس بالاضافه الى كلمها الدائم بلغه الفلوس ومش عاوز يفهمنى عاوز يحبنى وبس . حسيت ان احنا لغتنا وفلسفتنا فى الحياه مختلفه وانى كنت موهومه بالتشابه بينا وبعدين فكرت انسحب قبل الخطوبه ولكنه كان متمسك لدرجه احسستنى بالذنب وحسيت انى عارفه انى انسانه صعب احتواء عقلها وقلبها ومع ذلك دخلته حياتى وكنت متالمه لالمه بس مش قادره اكمل ....كانت ازمه والحمد لله عدت والبوست دا كتبته وانا ابكى وكانت اول مره احكى حاجه شخصيه فى المدونه عشان كده مش رديت على التعليقات بخصوص الموضوع لانه مش كان مفتوح للنقاش فقط كان اعتذار لمن احبنى من كل قلبه وكانت نتيجه هذه التجربه انى عكيت فى امتحانات الدرسات العليا واحتمالات رسوبى عاليه لانى فعلا كنت فى اختبار صعب واحمد الله انى قدرت اوصل لقرار فيه حاسم
تحياتى

Shref said...

من الصعوبة بمكان ان نجد الانسان الذي تتوافر فية الصفات النادرة التي نبحث عنها طوال حياتنا و لكن كما كا أوضحت لكي مسبقا ان الحب ماهو إلا جنين يتغذى على المشاعر الجميلة و فبدونها يموت داخل رحمة ، (فالحب ببساطه حاجة بنحسها في قلوبنا مش عارفين اه هيه و ميحسش بيها غير واحد بس هو الي بيصيبة سهم الحب ممكن تكون الصفات هية الي بتفتح أبواب القلب لكن في النهاية القلب مبيسمحش بالدخول غير للحب بس ... الملك و بس .. ودة ملوش اسباب ... كدة من غير سبب ... قدر و نصيب من عند ربنا كدة وده الي حصل معاكي ، الصفات الجميلة الى في الانسان الى أتعرفتي علية فتحت البك لية بس للأسف مأدرش يدخل عشان الحب متولدش جواكي ) سيدتي لا تلومي نفسك انه قدرنا ان نبحث عن من نحب فقد نجدة و قد يمر العمر بدون فائدة شكرا للك و ارجو من الله ان يوفقك في دراستك لا لشئ إلا لصفاء قلبك ... اخيرا يبدو انك من المتابعين لبرنامج المذيع الامع اسامه منير ، احسست هذا من مقدمة الموضوع

نبضات said...

شريف
اشكرك جدا على المتابعه وعلى هذا التعليق الى فعلا اكثر من رائع وكل كلماتك اللى قلتها هيا نفس المعنى اللى حسيته بعد مانهيت الموضوع ان الحب دائما هو الملك واللى مش بنعرف له سبب وان الصفات مهما كنا بنبحث عنها فهى نافذه للدخول فقط ممكن تكون مهمه بس الحب وهذا الاحساس الغريب اللى بيكون من عند ربنا ويجعلك تشعر بالسعاده هو اهم حاجه

واشكرك على تعليقك على الموسيقى المدونه عشان محدش حسها وعلق عليها غيرك واضح انك بتعرف تتذوق الموسيقى الجميله انا اول ماسمعت هذه الموسيقى تركت اثرا بداخلى قوى وحسيتها اوى لذلك جعلتها موسيقى مدونتى

بالنسبه لاسامه منير بصراحه مش متابعه البرنامج بتاعه الا احيانا اسمعه بالصدفه وفى حلقات بتعجبنى وحلقات مش بتعجبنى لكن مقدمه موضوعى وموضوعى كله كان عباره عن نزف من قلبى على البوست لانى كنت بكتب اللى حساه ومن غير تفكير وانا فى شده المى واحساسى بالذنب وليس تاثر بالبرنامج اسامه منير ولكنه كل الكلمات المكتوبه كنت حساها اوى وكتبت من غير ما كلماتى تمر على عقلى اولا

فى انتظار تعليقاتك ياصديق المدونه على اى موضوع يعجبك وانا حقرا التعليقات وحرد عليهم وتحياتى لاحساسك الصادق بان يكون اول بوست تقرائه هو اكتر بوست كنت كتباه بنبضاتى فعلا

تحياتى
دائما منوووووووووووورنى

Shref said...

نزيف من القلب نعم فشل تجربه ينزف على اثرها القلب لهو شئ مؤلم حقا فالقلب ينزف و يبكي و يتالم و يجوع و يشرب فالأنسان قلب ينبض شكرا لك و ارجو ان تدوليني كيف احصل على هذه القطعه الموسيقيه للموسيقار عمر خيرت ...

نبضات said...

شريف
http://salmiya.net/
تدخل الموقع دا ثم تختار الاغانى المصريه ثم المجموعه الثالثه منها ثم عمرو خيرت
واسم المقطرعه امتى الزمان وهى اغنيه لمحمد عبد الوهاب ومن تلحينه وقام عمرو خيرت باعاده توزيعها مره اخرى بهذا الشكل الساحر الجميل

تحياتى لك ولذوقك الرفيع
فى سماع الموسيقى
دائما منووووووووورنى

Shref said...

شكــــــــــــــــــــــــــرا كـــــــــــــــــــــــــتير
نبضـــــــــــــــــــــات

نبضات said...

العفــو ...لاشكر على واجب ومش تشكر تانى انت صاحب مدونه والمدونه مدونتك

تحياتى
دائما منوووورنى

Shref said...

طلع البدر علينا
لو علمو من هو لماتطاولو عليه لكن جهلهم وضعف نفوسهم هو ما دفعهمم لذلك لو قرأو التاريخ و علمو ماكانت علية الدنيا قبل ميلاد الحبيب و كيف كانت معاملة الانسان و كيف تم تكريم الانسان بعدها بل و تكريم الحيوان و الرفق به لما فعلو ذلك ولكن نعود و نسأل أنفسنا من جديد ماذا فعنا نحن ؟ هل حاولنا ان نمحو جهلهم بالرسول الكريم ، إن اكثر شئ شجع هؤلاء لهو تفرقنا و تباعدنا عن بعضنا و انشغال كل واحد في نفسه

نبضات said...

شريف
سعيده جدا بمتابعتك لمواضيع مدونتى
المتواضعه
وفعلا لو كانوا يعلموا من هو صلى الله عليه وسلم لما تتطاولو عليه ولكنهم اشخاص اغشيت ابصارهم وقلوبهم الا ترى النور والا تعيش الا فى ظلام مبين لجهلهم بهذا الدين وبهذه الشخصيه الجليله وعدم وجود ميديا قويه فى الخارج لتعريفهم بهذا الدين... بعضهم لا يعرفوه والبعض الاخر مستهديفين ديننا خوفا من قوته لانهم يعرفون جيدا...أن لو المسلمين عرفوا دينهم كويس واتحدوا لم تصبح بعد يوم دوله اسلاميه واحده محتله ولذلك هم فرحين بما نحن عليه من فراق ومانحن فيه من بعد عن دينناومحاولات البعض منهم من دس السم فى العسل عن طريق نقل لنا كل مايضرنا ويجعلنا دائما مغييبين لانفكر ولا نهتم الا بما يحاولون دسه لنا فى صور جذابه

اشكرك على تعليقك الجميل ودائما فى انتظار تعليقاتك

تحياتى
دائما منوووووووووووووووورنى

Shref said...
This comment has been removed by the author.
Shref said...

لو سألتهم من خلق السماوات و الأرض ليقولون الله ، أحيانا جبروت الأنسان و تكبرة يمنعانه من الإعتراف بعظمة الخالق عز و جل، فليهدهم الله لطريق النور حتى يعرفو من هو الرسول الكريم الذي جعل الله هداية البشرية على يدية وأخرجها من الظلامات إلى النور ولو قرأو ما كتب الكتاب الغربيين عن الحبيب المصطفى لعلمو انة جاء بالحق من عند الله

نبضات said...

فعلا ربنا يهديهم ولو اههتموا بقراءه ماكتب عن الرسول صلى الله عليه وسلم من كتابات كتاب الغرب فى دراسه هذه الشخصيه الرائعه والتى اهتم حتى الغرب بدراستها وقالو عنه انه من اعظم الشخصيات التاريخيه وكان قائد عظيم وتاثيره الممتد فى حياتنا وحبنا له كمسلمون رغم اننا لم نراه الا انه فى قلوبنا دائما وقدوه حسنه فى حياتنا بنقتدى بيه ....لما كانو استهونوا به صلى الله عليه وسلم ولا اعرف هل ادعوا لهم بالهدايه ام بانتقام الله منهم اولا عما قالو عنه وماخطته ايديهم .....لا اعرف الا انى اكرهم بشده

فى انتظار المزيد والمزيد من التعليقات اللى بعتبرها بجد شرف لمدونتى المتواضعه

تحياتى
دائما منوووووووووورنى

Shref said...

الشرف و كل الشرف لي أنا لأني بجد أشعر بسعادة غامرة و انا أقرأ كلماتك ،،، أما عمن تعدو بالأستهزاء على الحبيب المصطفى فأدعى لهم بالهداية ،، هكذا علمنا الرسول الكريم حينما تعدى علية أهل الطائف و قذفوة بالحجارة و استهزائو به و قذفوة بالحجارة حتى سال الدم من قدمة الشريفة و أرسل الله له ملك يطلب من ان يأمرة فيطبق عليهم الجبلين إلا أن الرسول الكريم أبى و دعا لهم بالهدايه لعل الله يخرج من أصلابهم من يعبده سبحانة و تعالى أنه نبي الرحمه لم يفعل كما فعل غيره من الأنبياء الذين دعو على قومهم فأستحق بذلك الشفاعه و لم تأتى لنبي أو رسول غيره صلى الله عليه و سلم ......

نبضات said...

شريف
اشكرك على كلماتك ومش كنت اتخيل انك حترجع تانى تعلق فى مدونتى وكمان تقرا مواضيعى الى فاتتك وانا كمان بكون سعيده بتعليقاتك اللى بتضيف للمعانى اللى بتكلم عنها فى مواضيعى

تعليقك جميل جدا ومشاء الله على ثقافتك الدينيه لانى اول مره اقرا حدث اهل الطائف وفعلا الرسول صلى الله عليه وسلم كان رحيم جدا حتى بمن يؤذوه وفكرتنى ... لما كان فى يهودى بيرمى بجانب بيت الرسول صلى الله عليه وسلم قاذورات فلما تاخر يوم سال عليه الرسول ويارب نكون ممن سيشفع لهم الرسول صلى الله عليه وسلم يوم القيامه
لكن انا لما دعيت ان ينتقم الله من هؤلاء المستهزئون من شده حبى للرسول وانا ادعوا بالهدايه لاى انسان مهما كان سىء او بعيد عن ربنا لكن هؤلاء المستهزئون لم استطيع ان ادعوا لهم هذه الدعوه من شده ألمى مما فعلوا ولكن لفت نظرى لشىء جميل فى كلماتك اللى بجد اكتر من رائعه وهو ان نقتدى بالرسول فى ان ندعوا لهم بالهدايه ...سادعوا لهم بالهدايه

فى انتظار تعليقاتك المميزه ياصديق المدونه فى اى موضوع تريد ان تعلق عليه
تحياتى
سعيده بمعرفتك
دائما منوووووووووووووووورنى

Shref said...

حب فى الشتاء وطبول الربيع
معلش الموضوع كبير و مش عاوز اكروتة لأنى حاسس انه موضوع حلو بس مبدئيا الصورتين تحفة بجد يجننو و ماشيين مع الموضوع هأراه كويس و ارد عليكي
ســـــــــــــــــــــلام
يا نبــــــــــــــوضــة

نبضات said...

شريف
مــــاشــى ....مستنيه التعليق بس بلاش نبوضه اسم نبضات احلى كتير

تحياتى
دائما منووووووووورنى

Shref said...

ههههههههههههههههههههه
مـــــــــــــــــــاشي
ياســــــــــــــــــــتي

Shref said...
This comment has been removed by the author.
Shref said...
This comment has been removed by the author.
Shref said...

/////\\\\
LLLLLLLLL
(*) (*)

^
{--}

Shref said...

أيتها الكائنة الشتوية نبــضــــات :
حب فى الشتاء وطبول الربيع :
الأسلوب جميل وقد جذبنى بعض العبارات مثل (فالشتاء بارد لمن لايملكون قلوب مليئه بالحب والاحساس وذكريات الحياه ) ، (واذا كان هناك كذب وخداع وخيانه ونفاق وانانيه وقسوة فى قلوب البشر ، الا أن هناك ايضا الصدق والحب والوفاء والاخلاص والحنان والعطاء بلا حدود )، (ايام الربيع هى افضل مناسبه لتجدد الامل والتصالح مع النفس والاخريين وليكن ميلاد جديدا تماما لنا مثلما تفعل الطبيعة ) ، كلمات رائعة ولكن إحساسي يختلف معكي في بعض الأمور فأنا أحب الشتاء مثلك و احب أيضا زخات المطر و إن أردت أن أقف مثل الأطفال ألهو و العب بقطراته يمنعني الحرج فكنت أتظاهر بأن هناك أشياء هامة و ضروريه في الخارج يجب عليا ان أقضيها فأخرج من المنزل و أسير في أحضان الطبيعه و أنظر إلى السماء التي أصبحت صافية و إلى الأشجار التى أصبحت زاهية و أدعو ربي ان أعيش فى جنة ليس بها إلا ما هو جميل ، و أعتبر ان هذه الامطار رمز للخير ، و أعيش لحظات من السكون بعدها و لكن بعد لحظات تختفي الشمس و أظل وحيدا باليل فلا أرى من الشتاء إلا قسوته و لا من السماء إلا سوادها ربما كما قلتى أن الشتاء بارد لمن لايملكون قلوب مليئه بالحب والاحساس وذكريات الحياه و أتمنى أن ينتهى الشتاء سريعا ليأتى لنا الربيع و من بعده الصيف ، الربيع ( افضل مناسبه لتجدد الامل ) فنرى الأشجار التى ماتت تعود مرة أخرى للحياه و كأنها تقول لنا أن الأمل مازال موجودا ، لا تيأس أيها الأنسان و أستطيع أن أقول لك بأنى لا أربط مثلك قدوم الربيع بالأمتحانات فأنا لا أشعر بالامتحانات إلا فى لجنة الأمتحانات او عندما نأخذ أجازة قبل الأمتحان بأسبوع و أشعر بضيق شديد عندما يأتى الخريف بالرياح و الاتربة ثم يأتى الصيف بحرة الشديد و لكن ايضا يأتى ( بالونس )و جلسات الاصدقاء فى الصيف و الخروج ليلا فى الهواء . لفت إنتباهي ايضا جملتان الاول
( نساعد انفسنا على نسيان كل ماأتى موعد نسيانه ) لم أفهم جيدا معناها و الثانية (واذا كان هناك كذب وخداع وخيانه ونفاق وانانيه وقسوة فى قلوب البشر ، الا أن هناك ايضا الصدق والحب والوفاء والاخلاص والحنان والعطاء بلا حدود) أعجبتنى كثيرا فالانسان الواحد ملئ بالمتناقضات فاحيانا اشعر بالسخط على كل البشر و أحيانا أخرى أتمنى أن أساعد كل البشر و كذلك الصل الواحد فيه الخير و الشر المطر و الرعد و البرد و الحر و الدفئ ، أكثر التعليقات التى شدت إنتباهي (القلوب مش بتفرق معاها اى فصل تعيش فيه اللى يفرق معاها انها تلاقى حد تعيش معاه حد يستاهل تعيش معاه ) أختلف مع النصف الأول منها فالقلوب و الاحاسيس بتحس بكل حاجة و أتفق مع النصف الأخر في انه من المهم انها تلاقى حد تعيش معاه حد يستاهل تعيش معاه ..... أخيرا اسم البوست رائع و لكن بعد ان أنهيت قرائته لم أجدك تتحدثين عن الحب لا في الربيع و لا في الشتاء و يدفعني الفضول لان أسألك هل للحب توقيت و مواسم فى رأيك و ما هو توقيته بالنسبه لك .....

نبضات said...

شريف
اشكرك على تعليقك المطول لانه دليل على تعمقك فى البوست مش مجرد قراه وبس

بالنسبه لجمله انه زى مافى كذب ونفاق وخداع ، فى ايضا حب وخير ...الخ
انا اقصد ان زى مافى ناس كذابه ومنافقه ولو كثروا هذه الايام لكن ايضا فى قلوب اخرى تحمل معانى جميله ولماقصد وجود هذه الصفات المتناقضه فى شخص واحد ، لان صحصيح كلنا بداخلنا تناقضات لكن مش صفات ضد بعض يعنى ممكن يكون حد طيب لكن ساعات قاسى لكن صعب يكون شرير وايضا مش ينفع يكون حد صادق وبيكذب كتير يعنى كذاب الشخصيات اللى بيبقى عندها الضدين فى رأى بتكون شخصيات غير سويه ولكن انا قصدى وصف الشخصيات انه زى مافى الوحش فى الحلو وان احنا لما نجد الناس اللى قلوبها فيها حب وخير وصدق وهذه المعانى الجميله لازم نفسح لهم مكان فى قلوبنا اللى يستحقوه وبصراحه هذه الكلمات تعلمتها من مقاله او كتاب قراته زمان اتمنى تكون فهمتنى


بالنسبه لفصل الشتاء انا بصراحه بعشق سكونه بليل حتى ولو كان له انطباع بالحزن والوحده ولكنه رومانسى لانى لا احب الزحمه وبحب الهدوء حتى الخروج فى الشتاء بحبه جدا لان الشوارع والاماكن مش بتكون مذدحمه مثل الصيف
فهو فصل رائع واقرب الفصول لقلبى بكل مافيه حتى لمسه حزنه فى سكونه بليل
ولو عندك ذكريات جميله فى حياتك ومش شرط تكون ذكريات حب اكيد لو تذكرتها وقعدت تسمع موسيقى او تشاهد التلفزيون مع فنجان ساخن لاى مشرروب مش حتحس خااالص بقسوه ليالى الشتاء


بالنسبه للامتحانات ..فى حاجه اسمها فى علم النفس الارتباط الشرطى بمعنى ان طول حياتنا تجد انك بتعمل ارتبطات شرطيه بتختلف من شخص لاخر
فاانا لانى بحب الطبيعه وتاملها فكان عندى ارتباط بين اول قدوم الربيع بحبه اوى بس بيفكرنى انى اذاكر كويس لان الامتحانات قربت
يمكن لانى كنت بخاف جدا من الامتحانات ومره قرات مقاله فى جريده الكاتبه كاتبه نفس الحكايه بتقول انها بتحب الربيع جدا بس اول مايجى بتفتكر الامتحانات رغم انها انهيت دراستها ولما قرات كده ضحكت كتير لانه نفس الجمله اللى دايما بقولها
انا ذكرتها فقط عشان حبيت احكى كل مشاعرى المرتبطه بقدوم الربيع من حب وخوف واحساس بالامل والتجدد

نساعد انفسنا على نسيان مااتى موعد نسيانه بمعنى قدوم الربيع بتولد فيه الطبيعه من جديد وهو ايضا مولد لنا لان نتشجع ونساعد انفسنا على نسيان اى حاجه مؤلمه او اى حاجه بنفتكرها مع ان المفروض ننساها عارف انا عاوزه اقول ايه... ان فصل الربيع زى صفحه جديده بتبدائها فى حياتك لسه مش كتبت فيها حاجه لذلك فالربيع دعوه لنسيان الحاجات اللى ممكن تكون عالقه فى ذهننا ومضيقانا مع ان المفروض ننساها بمعنى التجدد ايضا فى كل شىء

بالنسبه لفصل الشتاء ...ليس المقصود اقصار الحب على هذا الفصل ولكن لانى بحبه اوووى بعتبره لغه من لغات الحب حتى ولو تاملت الافلام الرومانسيه عربى او اجنبى والاغانى ايضا حتجدها اكثرها فى فصل الشتاء لانه بيحسسك بدفىء المشاعر
واخص بالذكر الفيديو كليب لاغنيه صابر الرباعى ...ضاقت بيك لانه كتير رائع وفصل الشتاء بجوه و ثلجه بيديك احساس اكثر بالكلمات والموسيقى واعتقد انها لو كان التصوير فى فصل الصيف مش كان حيكون بالعمق دا
التصوير والاغنيه رائعين بجد

انا قصدت انه رمز طبعا ولم اقصد ان فصل الشتاء للحب لان الحب ليس له فصول ولا مواعيد وفعلا القلوب لما بتحب مش بيفرق معاها الفصل ولكن حد تعيش معاه حد يستاهل تعيش معاه ...اتفق تماما لكن ربط الحب بالشتاء مجرد وصف لهذا الفصل الجميل وليس ابدا قصدى اقول ان الحب فى الشتاء فقط

بالنسبه لاسم البوست ...له قصه انا من المتابعين لمجله البيت للديكور لانى بحبها جدا فاشريت مره عدد فى الشتاء كان اسم العدد حب فى الشتاء ...شدنى جدا الاسم وقولت انى لازم اكتب موضوع عن فصل الشتاء وبعديها عدد عن الربيع باسم طبول الربيع حسيته ايضا رائع طبول بمعنى احتفال والربيع فعلا احتفال من الطبيعه
ففكرت ان اكتب بوست باسم حب فى الشتاء وطبول الربيع

لاحساسى بان الشتاء هو لغه الحب ولحبى له وليس لانى مش بحب الا فى الشتاء يعنى ههههههه ،وطبول الربيع لكى اتحدث عن احتفال الطبيعه بالربيع وايه اللى ممكن نتعلمه من تاملنا للطبيعه
وكان يافندم هذا البوست

الحب ليس له توقيت ولا مواسم وليس له حتى سبب او ترتيب ...هو تالف بين القلوب وكمياء بين البشر ممكن تحدث فى اى وقت ومن غير استاذان
وانا والله زى مخاليق ربنا العاديين هههههههههه يعنى يااستاذ شريف ليس لى توقيت للحب ولكن اتمنى ان اجيد الاختيار فمن افسح له مكان فى قلبى دعواتك بقه انى مش اختار مره اخرى اختيار خاطىء

تحياتى لتعليقاتك الجميله والدقيقه
دائما منووووووووووورنى

Shref said...

أولا التعليق فعلا كان طويل و لم أدرك ذلك الا بعد ان أنتهيت منه لكن يبدو ان الموضوع شدني ثانيا انا مؤمن ان الانسان زى فصول السنه ، الفصل الواحد فيه كل حاجه ساعات ربرد و ساعات دفئ لكن فى النهايه لكل فصل الطابع العام اما البرد او الدفئ و انا معاكي ان الشناء يمكن يكون رومانسي اكتر ، بس ده لو كان فيه انسان يشاركك كل مشاعرك ، يدفيكي بحبه من برد الشتاء اما عن موعد الحب فانا ارى انه اكثر فى الصيف و على رأى الست فيروز (حبيتك في الصيف و هجرتك فى الشتا ) أما عن نسيان بعض الأشياء مع قدوم الريع فهناك أشياء فى حياة الانسان لا تنسي فأحاسيس لا تنسى بتغير الفصول فلآنسان مشاعر تمشي على قدمين فالحب لا ينسسى مع الايام تماما مثل صابر الرباعي فلم ينسى محبوبته بالرغم من انها لم تشعر بحبه لها و عندما احناجت اليه كان بجوارها ، بوست جميل واسمه اكثر من رائع

نبضات said...

شريف
فيروز بتقول حبيتك فى الصيف ونترتك فى الشتا بمعنى انتظرتك وليس هجرتك
واضح انك مش بتسمع فيروز

وفى حاجات لازم الانسان يساعد نفسه على نسيانها وليس كل شىء يستحق ان يتذكره الانسان ولكى ننسى لازم نساعد نفسنا والربيع فرصه للتجدد وللنظر للامام ونسيان اى حاجه جاء موعد نسيانها

فى انتظار تعليقات ومناقشاتك على اى بوست يعجبك ويترك بداخلك انطباع للتعليق
تحياتى
دائما منوووورنى

Shref said...

على فكره انا من اشد المعجبين بفيروز بس المشكله انى مش بفهم لبناني كويس ، انا مصري و ابويا مصري
كمان كونت عاوز اقول ان يمكن بنحاول ننسى حجات بس كل حاجة في حياتنا متسجلة و محفورة جوانا من الصعب نسيانها يمكن الايام بتلهينا عنها شويه بس جوانا مبتنسيش

نبضات said...

شريف
عندى احساس عميق ان احنا حنتخانق قريب ...ربنا يستر بقالنا فتره متخنقناش ههههههههههههه عموما انا بهرج

اما عن النسيان فى حاجات الانسان لازم يساعد نفسه انه ينساها وفعلا لما يساعد نفسه بينساها ممكن تسيب بس ندوب جواه بيفتكرها كل فين وفين لكن النسيان نعمه من نعم الله علينا
واخيراا ..فى حاجات بنقدر ننساها وفى حاجات مش بنقدر وفى حاجات تستحق النسيان وحاجات تستحق التذكر بس المهم ان احنا لما نعوز ننسى نساعد انفسنا لان الزمن ليس كفيل بان يداوى جروحنا وحده ولكن لازم نساعده ببذل مجهود ومساعده انفسنا لنسيان كل مايستحق النسيان فى حياتنا

فى انتظار تعليقاتك واتفقنا عادى اختلافنا عادى ايضا وانت دائما منورنى
ومتشوقه جدا ان اتعرف على مدونتك ولا حتسيبها مقفوله كده على طول


تحياتى
دائما منووووووووووووورنى

Shref said...
This comment has been removed by the author.
Shref said...

صحيح الزمن يمكن ينسي الأنسان حاجات كتير و الحجات ده يمكن تسيب اثر عميق جوانا و لاكـــــــــن فى النهاية -( تبقى فى القــــلب نـــبضــــات تذكرنا بما نحــــب )- و بس .... و لو عاوزه نتخانق مفيش مشكله ممكن نتخانق براحتنا و نعلى صوتنا كمان عشان احنا بنتكلم فى مكان محدش هيدخوله تانى يعني ممكن تزعئي براحتك وقبل مانسى اه حكايه التاج شكله كده موضوع كبير .... تحياتي يا نبضات

Shref said...
This comment has been removed by the author.
Shref said...

كنت مستنى من زمان عشان اعرف الشخصيه الجميله ده بشكل اكبر و اعرف احلامها، امنيتها ، بتكره اه و بتحب اه و عيوبها قبل مميزتها و بصراحه كان صعب عليا ان اسئل فى حاجات زى كده لحد مقرأت البوست ، كان فيه اجابات متوقعه ( من كتاب الوزاره هههههه) بس كمان منكرش ان فى حاجات كتير اتفجأت بيها ،، و مش هكتر كتير عشان متقوليش ان التعليق طويل و خلينا نبداء ..............................
كنت حاسس انك قارئه جيدا و ذلك منذ دخولى اول مره على مدونتك و اختيارك لمواضيع هامه لكبار الكتاب والادباء من هنا بدأت أحس بهذا وكذلك اهتمامك الشديد بشخصيات البشر و التعمق فيها و تحليلها و اعتقد ان ده راجع من انك بتسمعى كويس للناس و على فكره ده مسأله مش سهله انك تسمعى لهموم غيرك و مشاكلهم ،،، بس انا اعرف ان البنات رغايه كتير هههههههه للحق ده مش زنبها لان ربنا خلقها كده و كمان تأملك في الطبيعه يعنى انك شخصيه خياليه و رمانسيه عامه كفايه النهارده الهويات و خلى العيوب المره الجايه او المره الأخيره عشان متزعليش وتردى و متتأخريش زى المره الى فاتت تحياتى

نبضات said...

شريف
على فكره انا بكون سعيده بالتعليقات الطويله والدليل على كده ان ردودى بتبقى طويله واستمتعت جدا بتعليقك المطول السابق و مش كان قصدى انقد طوله وكمان المدونه مدونتك طول زى ماانت عاوز

اشكرك على كلماتك الرقيقه واتمنى اعرف ايه اللى فاجئك فى شخصيتى انا كنت حاسه انى كتبت مفاجات كتيره فى التاج
وكتبته بطريقه تلخص وصف لشخصيتى مع ان صعب جدا ان حد يوصف نفسه
خصوصا فى العيوب والحاجات الفاشله فيهاوان كان دا كله نبذه من العيوب والفشل وليس كل ماعندى ههههههههه
عشان الناس تشوفنى من زوايا مختلفه ومش ياخدوا مقلب فيا

فى انتظار تعليقاتك


تحياتى
دائما منوووووووووورنى

Shref said...

بيقولو فى الامثال يا بخت من زار و خفف فحبيت أكون ضيف خفيف فقسمت التعليق على اكتر من مره و عشان مصدعكيش و نجيب من الاخر زي متفقنا يا ستى خلى العيوب فى الاخر و حضرتك قلتى انك مبتحبيش المظاهر و المجاملات ، انا زيك بكرههم موت بس خلينا نفكر شويه لو كل انسان و حش قلتيله انه وحش ومبتحبهوش شوفى اه الى ممكن يجرى اولا هتخسرى اغلب الناس الى حواليكي و مش بعيد جدا يرفدوكى من الشغل و صحابك يسبوكى و يمكن يتهموكى انك السبب فى مشكله الصراع العربى الأسرائيلى و حاجات كتير بالشكل ده و بعدين المظاهر بتكون مطلوبه يعنى ممكن نصحى من النوم و تروحى شغلك مثلا بالبيجامه اظن صعب و لونى اتمنيها كتير قبل كده كنوع من التحرر من قيود الحياه ،يعنى ممكن اصحى من النوم متأخر كالعاده و البس كاجول و انس و انزل بالكتشوى او البس فردتين ملهموش دعوه ببعض و ارجع البيت من تانى جرى ، المهم الحياه تطلب بعض المظاهر بدون تكلف و بشكل بسيط لانه مفيش اجمل من البساطه حتى فى التعبير و زي مبقولو الى بخرج من القلب بيدخل الألب و كمان حبه مجامله يعنى انا عندك مثلا ممكن هكون بفرقع من مديرى فى الشغل لكن بعصر على نفسي لمونه و اسلم عليه و اقوله صباح الخيرات لكن انا معاكي تماما فى انى بكره السطحيه ، وخصوصا بتخنق من سطحيه بعض البنات و اهتمامهم بالموضه و الاغانى و المطربين و بس ، مخها فاضى مفهوش حاجه فى الدنيا وبغير جدا لما بلاقى بنت اجنبيه ماسكه فى اديها كتاب فى المواصلات ، و اخيرا بفتكر الفلم الشهير انى لا اكذب و لكنى اتجمل ،، يا شيخه كنتى فاكرك بتكرهى حاجات كتير اكتر من كده ..... تحياتي

Shref said...

مش عارف عدم الرد ده اه سببه يــــــــــارب تكونى بــــــخـــــيـــر ، انا محضرلك مفاجأه كنتى مستنياها من زمان و مش هعلق اكتر من كده

نبضات said...

shref
my computer write English only
i am sorry for late reply
because i have anew jop
and iam very basy this days
but i nearly come write and i wanted to know your surpris
i think you will open your BOLOG

TAHYATY FOR YOU

Shref said...

الحمد لله انك بخير و رجعتى تنورى المكان من تانى ولونى كنت منتظر تعليقك بفارغ الصبر و مش عارف انتى بتقرئي الفنجان و لا بتضربي الرمل و توشوشى الودع افتكر مره واحده من البنات الى بتعلق عندك سمتك عرافتى الساحره و الله كان عندها حق ... اتمنى تعرفى العربى على الجهاز و لو متعرفيش انا تحت امرك .....

نبضات said...

شريف
المكان منور باللى بيعلقوا فيه وسعيده جدا ان تخمينى طلع صح والبدايه جميله وعميقه مممممممممممم صوره محمد منير على فكره انا من محبى سماع محمد منير وشريطه الاخير جميل جدا كله بس مش اى حد بيتذوق منير غير الناس اللى بتعرف تحس وتتعمق فى المعانى
عرافتى الساحره ....بعتز جدا بهذا اللقب عشان صديقتى جدا فى التدوين فاتيما دايما تقولو ليا

وسعيده جدا انى اخيرا حشوف مدونتك وافكارك وادخل اعلقلك وبحجز من الان مكان فى التعليقات فى اى بوست تكتبه

بالنسبه للحاجات اللى بكرها انا بكره حاجات كتير وبحب برده حاجات كتير بس تاج كتبته مختصر مش كان ينفع اكتب كل حاجه بس كتبت ابرز الحاجات اللى ممكن تعبر عن شخصيتى
وعلى فكره ...انا مش بعرف اجامل حتى فى عملى حتى ولو كان دا حيسبب لى ضررلانى اتعودت انى مش اقول ولا اعمل غير اللى أؤمن بيه بس ومهما كانت العواقب وعنيده جدا فى الموضوع دا
والمظاهر اكيد الواحد لازم يهتم بمظهره بس انا بهتم فى حكمى على الناس وفى اى شىء فى الحياه بالعمق اكتر كتير من المظاهر .والمظاهر عمرها مابتشدنى او تلفت انتباهى فى اى شىء فى الحياه وبعتبرها لمسات نهائيه لاى شىء فى الحياه او حتى فى لبسنا وليس قلب الاشياء
وبحب جدا ادخل دائما فى العمق سواء فى شخصيات البشر او فى الاحداث والاشياء

لما بتاخر فى الرد على التعليقات بتبقى ظروف وهى فتره وان شاء الله انتظم فى التدوين لانه وحشنى جدا
ومفتقده الكتابه والتعليق والرد على التعليقات ...حاسه ان فى حاجه نقصانى

تحياتى
دائما منووووورنى

Shref said...

مكنتش ناوى انولهالك بس اعمل اه ، ربنا يستر من التعليقات و يارب تكونى بخير و مش انتى بس الى مفتقده التدوين كمان التدوين كان مفتقدك جدا و حمد الله على السلامه اما عن منير فانا من عشاق منير بس ليا تحفظات على افلامه يعنى مجرد رأى و بموت فى اصاله ملهاش حاجه وحشه و شرين و تامر و صابر

hmada75 said...

السلام عليكم

اولا يا نبضات حتى احلامك هادفه للخير وده المنتظر منك دائما.اتمنى انت تكونى موظبة على الصلاة لانها شرط اساسى فى انعام الله على عباده لانها الصلة الوحيده بين العبد وربه.